حلقة (4) – ازاي تكسب فلوس من موقع الإنترنت بتاعك

اهلا و سهلا بيكم في ملخص الحلقة الرابعة من عارف أونلاين بودكاست. في الحلقة دي اتكلمت في حاجات كتير تساعدك تكسب فلوس من الإنترنت، أهمها النقط التالية:

  • ازاي؟

    • تخيل موقعك عبارة عن مجلة او قناة فضائية.
    • لو المحتوي بتاعك بيقدم فايدة او بيحل مشكلة عند الناس.
    • تقدر بعد لما ناس كتير تهتم بموقعك انك تحط عليه اعلانات او تروج لمنتجات.
    • المهم تقدم قيمة و محتوي بجودة عالية. يعني قدم الخدمة اولا و اكسب الثقة ثم اطلب او اعرض اللي عندك.
  • Google Adsense

    • تقدر من اول يوم تشترك في الخدمة بس الافضل بعد زيادة الزوار
    • و تحط كود علي موقعك في اماكن معينة
    • هايظهر اعلانات جوجل علي الموقع بس يفضل تختار نوع الاعلانات لضمان الجودة و خلوها من الحرمانية.
  • YouTube Ads

    • لو عملت فيديوهات مفيدة و عملت مشاهدات كتير
    • تقدر تخلي يوتيوب يحط اعلانات علي الفيديو في اماكن معينة
    • حاليا ليها شروط زي ان عدد مشاهدات فيديوهاتك الاجمالي يوصل 10 الاف.
    • ده مرتبط بGoogle Adsense بردو

  • Affiliates

    • في الطريقة دي انت بتحط لينكات لمنتجات معينة علي موقعك
    • او تروجلها في المحتوي بتاعك.
    • و بتاخد نسبة من توجيه الزوار او البيع.
    • يفضل تكون مجرب المنتج بنفسك علشان تكسب ثقة الزوار بتوعك.
    • Examples of Networks: CJ, SHAREASALE
    • شروط CJ
      • موقع محترم، محتوي جيد، تصميم محترف، وقت لنشر محتوي
      • تحديث مستمر، زيارات كتير، فريد من نوعه، محتوي تفاعلي
      • و اعتقد المفروض يبقي المحتوي انجليزي
    • شروط ShareASale
      • المحتوي بردو انجليزي
      • المحتوي مايكونش فيه تحريض علي الكراهية
      • ماينفعش تعمل SPAM
    • OR Direct Affiliate Partnerships

ملحوظة: بعد تسجيل الحلقة تواصلت مع الشركتين Shareasale و Cj و الحمد لله تأكدت أنه ممكن تحط اللينكات على مواقع باللغة العربية بردو، طالما المعلن مش حاطط شرط واضح برفض المواقع العربية.

  • Amazon Associates

    • ده مخصص للمواقع اللي بتستهدف ناس موجودين في اماكن وصول امازون
    • نفس فكرة الAffiliates بس بيبقي لمنتجات امازون
  • دروس مستفادة سريعة:

    • اخدم الناس قبل ماتدور علي العائد.
    • اختار الاعلانات و المنتجات بعناية لضمان جودتها و خروجها من الحرمانية.

موارد الحلقة

روابط:

نزّل خطة الصفحة الواحدة و اشترك في قائمة النجاح مع عارف أونلاين

* indicates required

7 thoughts on “حلقة (4) – ازاي تكسب فلوس من موقع الإنترنت بتاعك

  • ديسمبر 16, 2018 at 2:38 م
    Permalink

    الموقع ده بيكون على إيه شادى؟!
    هل بيكون على بللوجر و لا إيه بالظبط
    و ياريت لو تضع لنا نموذج ثابت تحت كل حلقه عالموقع او المدونة دى او البودكاست ده و إحنا نقوم بملئ النموذج ده او الإجابة عليه
    حضرتك حط النموذج زى ما انت شايف لو شايفه ينفع فى صيغة نقاط او أسئله حطوا
    معرفش بقه إنت تحطها كاوبشن إزاى ده شغلك انت و انت شاطر فيه لكن المهم تساعد اللى بيسمعك بشكل إضافى إنه بعد ما يخرج من سماع الحلقه يكتب اللى إستوعبه من الحلقة بشكل كتابى
    ده رأيي و اللى إنت شايفه صح إعمله

    Reply
    • ديسمبر 19, 2018 at 4:11 ص
      Permalink

      ازيك يا استاذ هشام، اسف على التأخر في الرد.

      الموقع ممكن يكون على اي حاجة في البداية. بس نصيحتي إنه يكون موقع خاص على استضافة زي ما شرحت في البودكاست. بتعمله بطريقة سهلة ببرنامج ادارة المحتوى ووردبرس. و فيه فيديو موجود على قناة عارف أونلاين و مرفق في الحلقة رقم 9 في اللينك ده: https://arefonline.com/9 بيشرح إزاي تعمل موقع انترنت بالتفصيل. ممكن بعد كدة في عارف أكاديمي أعمل كورس جديد عن موضوع موقع الإنترنت بإذن الله.

      بالنسبة للنموذج هو قسم التعليقات هو المكان الطبيعي لآراء المتابعين للمحتوى و بيحطوا فيه أفكارهم و اقتراحاتهم و استفادته من الحلقة. بس لو موضوع النموذج المخصص ده أفضل ممكن أعمله لو مش هايلخبط الناس بين قسم التعليقات و النموذج. هادرس الموضوع بإذن الله في اقرب وقت. أقتراحاتك كلها مهمة و قيمة يا استاذ هشام.

  • ديسمبر 16, 2018 at 2:48 م
    Permalink

    و ياريت لو توفر وسيلة لقارئ المحتوى او الصفحة اللى انا بكتب فيها دلوقت إرفاق ملف او صورة مع التعليق و كمان بعد ما يقوم بنشر تعليقه على الصفحه مش بيشوفه يجوز إنت اللى عامل كده بوجه قصد لسبب ما انا اجهله و يجوز ده شئ ما فى تصميم الموقع او قالب المدونة و لكن حبيت اوصلهولك عشان نعرف كلنا

    Reply
    • ديسمبر 19, 2018 at 4:49 ص
      Permalink

      تم إضافة خاصية إرفاق صورة. و بالنسبة لخاصية رؤية التعليق، كل التعليقات المكتوبة لأول مرة بتمر على إدارة الموقع للمراجعة لمنع التعليقات الــSPAM. لكن المفروض بعد قبول أول تعليق ليك، التعليقات بعد كدة بتتقبل تلقائي و تبقى في انتظار الرد.
      شكرا جزيلا يا استاذ هشام على اهتمامك و متابعتك و اقتراحاتك المهمة جدا فعلا. و جاري دلوقت تحسين نظام التعليقات علشان يبقى التفاعل و التواصل أسهل على محتوى عارف أونلاين باذن الله.

  • ديسمبر 23, 2018 at 8:44 ص
    Permalink

    أنا بأشكر حضرتك على إهتمامك بالرد و إهتمامك لعمل الأفضل للموقع و لمتابعيك الكرام و ليه الشرف اكون واحد منهم

    Reply
    • ديسمبر 23, 2018 at 8:49 ص
      Permalink

      العفو. الشكر لحضرتك و لكل المتابعين المتفاعلين مع الموقع.
      لأن التفاعل ده يبقى تعاون و كرم منهم لنشر الفائدة بحيث كل الناس تستفيد و مش بيبقوا سلبيين أو عاوزين يخبوا المعلومة.
      ربنا يكثر من امثالك استاذ هشام و يعينني على نشر العلم النافع.
      شكرا جزيلا

  • ديسمبر 23, 2018 at 9:02 ص
    Permalink

    يسعد صباحك يارب بكل طيب

    Reply

اترك رداً على Hesham Morsy إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *