ماهو العميل المحتمل لشركة أغذية؟

أهلا بك في عارف أونلاينتصنيف: متنوع - أونلاين بزنسماهو العميل المحتمل لشركة أغذية؟
Tamer asked 4 سنوات ago

ما هو العميل المحتمل والمستهدف لشركة تعمل فى مجال الأغذية تتراوح منتجاتها بين ١ ج الى ٥٤ ج للقطعة  علما بأن الشركة لها قطاع كامل فى التجزئة    ثانيا كيف سيتم بيع أصناف معينة للمستهلك الأخير هل سنقوم بدور الدليفري وهل سيدخل شخص ما الى متجرنا لهذا الغرض فهل هناك فائدة فى عمل متجر فى هذه الحالة وشكرا

شارك الفائدة مع أصدقائك
1 Answers
شادي فريق العمل answered 4 سنوات ago

السلام عليكم ورحمة الله وبركاته. 
اهلا و سهلا استاذ تامر.
العميل المستهدف بيتحدد حسب نوع المنتج او تصنيفه. اكيد منتجات الأطفال تحتلف عن منتجات الكبار. 
الحلويات تختلف عن الخضروات والمجمدات. 
لمساعدتك في تحديد الفئة المستهدفة لكل منتج فالموضوع يحتاج جلسة استشارة خاصة، ممكن تحجزها من داخل خدمات عارف أكاديمي. 
Arefacademy.com 
بالنسبة للتوصيل، يوجد خدمات توصيل متعددة مثل شركة شحن ارامكس، خدمات فوري، جلوفو، البريد المصري او مندوبك الخاص و هكذا حسب احتياجات التوصيل طبعا.
بالنسبة للجزء الأخير الخاص بدخول العميل المتجر، محتاج توضيح استفسارك. ارجو الرد في تعليق على الإجابة. 

Tamer replied 4 سنوات ago

الإيضاح كالتالى
قامت شركة أغذية بالتالى :
انشاء موقع الكترونى ثم متجر خاص بها
فهل من الممكن أن يقوم عميل ما بدخول هذا المتجر للشراء منه وهو يعتبر بالنسبة للمتاجر الموجودة على ارض الواقع (شبكة الإنترنت ) منتج من مئات الالاف من المنتجات فهل من الممكن أن تكون هذه الخطوة السابقة (موقع ثم متجر) مجدى وله أهمية وله تأثير أم انه سيكون تضيع وقت ولا جدوى منه فى المستقبل

شادي فريق العمل replied 4 سنوات ago

شكرا للتوضيح يا استاذ تامر.
دور موقع الإنترنت و المتجر الموجود عليه هو دور طويل الأمد، بمعنى إنه بياخد وقت في بناء الجمهور و العملاء المرتبطين بالموقع نفسه. في البداية بيكون الإقبال ضعيف أو لا يذكر، لكن مع الوقت طبعا عن طريق التسويق للموقع بشكل احترافي من خلال التسويق الإلكتروني و تسويق المحتوى، الموقع بيشتهر على جوجل.
في الوقت ده لما أي حد يبحث عن منتجك أو مواصفاته على جوجل، بيطلع موقعك مباشرة قبل أي موقع تاني، و ساعتها هاتلاقي بإذن الله إقبال غير عادي، و هايبقى في الوقت ده العميل بتاعك إنت مش بتاع سوق دوت كوم أو أمازون. فا تقدر تحافظ عليه و تتواصل معاه و تبيعله أكثر.
طيب لحد ما نوصل لكدة نعمل إيه؟
هانستفيد على التوازي من المنصات الموجودة و المبنية بالفعل زي سوق دوت كوم و نبيع عليه.
لكن البيع على سوق فقط بدون بناء موقع و براند حقيقي على الإنترنت، هو قد يكون مكسب سريع لكن مالوش مستقبل في ظل عدم تحكمك في طبيعة المنصة و المنافسين عليها.
قيم الموضوع و خد القرار المناسب، و تحت أمرك في أي وقت بإذن الله.