تاسيس موقع بيقدم تحليلات فنيه في الاسواق العالميه

أهلا بك في عارف أونلاينتصنيف: متنوع - أونلاين بزنستاسيس موقع بيقدم تحليلات فنيه في الاسواق العالميه
AHMED asked 3 سنوات ago

السلام عليكم شادي.
انا محلل فني في اسواق المال العالميه وواسواق العملات الفوركس. يعني بحط رسوم بيانيه وبحط افكاري وراي الفني في السهم الفلاني او العملات الفلانيه.
وعايز يكون في الموقع جزء بمقابل مادي . وهو التوصيات او افكار التداول المباشره اللي ممكن العميل ينفذها . يعني اقول له باختصار سعر الشراء او البيع واخذ الربح وووقف الخساره. 
طبعا الخدمه دي لازم العميل يحولي فلوس شهريا على حسابي. فهل الافضل مثلا بنك او باي بال او ايه من وجهة نظرك. وهل علشان فيه فلوس هتدفع هيكون في متطلبات معينه للموقع ولا ياه رايك.
ايه افكارك علما باني حاليا في مصر. وكذا مره بعد ما اعمل موقع اقف فيه . فانا عايز لما اعمل موقع يستمر باذن الله وميكنش فيه اي عائق. ومش عايز جهدي يضيع بعدين اذا قابلت مشكله.
فياريت تقلي افكارك . وكل الشكر لك.

شارك الفائدة مع أصدقائك
1 Answers
شادي فريق العمل answered 3 سنوات ago

السلام عليكم ورحمة الله وبركاته
أهلا وسهلا بك أستاذ أحمد وشكراً لسؤالك.
للأسف أنا لا أدعم هذا المجال لوجود بعض الشبهات الشرعية فيه وفي أسلوب عمله، وأنا أعلم الفوركس جيدأ.
أعتذر مرة أخرى وتحت أمرك في أي أسئلة في مجالات أخرى.
تحياتي،
شادي العارف

AHMED replied 3 سنوات ago

اي شبهات بس الله يهديك .
شغلي ملوش علاقه بالشركات النصابه او ملوش علاقه بحاجه معينه فيها حرمه شرعيه .
انا بحلل فنيا الاسواق العالميه .. اسهم .. بترول .. ذهب .. وفي كمان عملات … انا بقول راي في الحاجه الفلانيه زي ما ممكن حضرتك بتشوف على القنوات الاقتصاديه.
العميل اللي بتعامل معاه في حالة عملت له توصيات مليش اي علاقه هو فاتح حساب فين . سواء في شركه بتتعامل بطرق غير شرعيه او في شركه لها حسابات اسلاميه فانا مليش علاقه بكده نهائيا.
انا بحلل الاسواق فقط ! واللي عايز توصيات في السوق السعودي مثلا بقله ! في السوق المصري بقله ! في السوق الامريكي بقله … واللي عايز توصيات عملات بقله.
انا كنت شغال في شركه في السعوديه والكويت لمدة 5 سنوات قبل ما ارجع مصر كمدير لقسم البحوث فيها وكل يوم لازم كنت اعمل فيديو لعملاء الشركه. فيمنفعش بكل سهوله نقول راي اتكون عندكم في مصر لاسباب كتير احتياليه اساسا وليست شرعيه او غير شرعية.
طبعا لك مطلق الحريه في رايك واقدر ذلك. ولكن لم ترد على سؤالي من الناحيه التقنيه الفنيه اللي خلتني اسالك !! سيبك من انه موقع شرعي او غير شرعي لوم اطلب منك دعم لهذا المجال او لا.
السؤال الفني اللي طلبت فيه استشارتك بما انك بتقول عندك خبره فيها وهي حته الدفع وحته الترخيص للموقع . يعني لو فيه عميل هيدفع فلوس تمن لخدمه معينه ايه الافضل فيها بشكل رسمي اكتر للموقع ؟ يعني في ناس بتحول لمقدم خدمه بطريقه مباشره بطرق التحويل العاديه اللي عندنا في مصر وكانك واحد صاحبه . وفي ناس اعرفها في لندن وعندها مواقه رسميه ومسجله على موقعها بشوف باي بال فقط. ده السؤال الاول اللي يخص ازاي يكون بيني وبين العميل علاقه ماليه ويدفعلي ولكن على اد ما اقدر تكون طريقه فورمال مش واحد ينزل عند فوري ويحولي وكده.
السؤال التاني : هل في جهه ممكن اسجل فيها موقعي علشان يكون كانه موقع شركه رسميه لها ورق مثلا ؟ او الحساب البنكي يتعمل باسمها او زي ما بتقول اسجل موقع في امريكا مثلا ؟ فانا معرفش اسئلتي حتى صح او لا فعلشان كده كنت عايز خبرتك في الموضوع ده .. وهل اصلا الموقه يستاهل كل الاسئله دي ؟ ولا عادي اشتغل على انشاء الموقع بدون ده كله ؟ ولو في تحويل فلوس يكون عليا بشكل شخصي ؟ اللي اقصده ازاي اعمل اللي انا عايزه بشكل فورمال شويه. فانا لما شرحت لك عايز اعمل ايه علشان فقط تعرف تفيديني انما سيبك من النشاط وسيبك من اي حاجه تانيه وركز فقط على الاسئله الفنيه التقنيه لو حبيت تفديني وكل الشكر لك طبقا مقدما.
واعذرني بجد لاني في هذا المجال من اكتر من 12 سنه للاسف زعلان من ان الوضع في مصر شوهت صوره الموضوع ده بشكل سيء جدا . الموضوع رسمي وشرعي بظوابط معينه بناء على الشركه اللي بتختارها انت. وكل حاجه فيها النصب وفي الغير شرعي. فلا يجب تعميم الفكره بالشكل ده. حتى الان لما رجعت مصر في ناس شغاله في شركات بورصه مصريه ومحترفين فيها ولكن للاسف اذا راحوا مجال الفوركس او العملات يعني بيروحوا لاول واحد عامل اعلانات كتيره على النت واول ما الموظف ده يكلمني او يكلم اي حد عنده خبره بالشركات الرسميه العالميه او العربيه اللي فيها شركات خدت باراء شيوخ وبعديت عن حاجاه معينه غير شرعيه فيها واشتغلت باساليب معينه شرعيه فورا تلاقيني انا او غيري اول ما اسمع سم الشركه اللي قال عليها الموظف ده اقله اذا كانت شركه حقيقيه او نصابه او غيره.