اهلا و سهلا بيكم في ملخص الحلقة الثالثة من عارف أونلاين بودكاست. في الحلقة دي اتكلمت في حاجات كتير أهمها النقط التالية:
إعلان - برجاء مراعاة الله عز وجل في مشروعك وماتقدمه من محتوى على الإنترنت
-
يعني ايه موقع انترنت؟
- زي المقر الرئيسي للشركة. سواء مكتب او محل.
- بدون مقر رئيسي بيعتبر تواجد البزنس بتاعك في اي مكان مؤقت.
- زي كشك في الشارع او عربية الفول او بووث في مول. مهما كنت معروف بيبقي مكانك مؤقت. و حسب مزاج المول او الحي اللي انت فيه بيبقي استمراريتك.
- تقنيا هوه عبارة عن مجموعة ملفات محطوطة علي جهاز متوصل بالانترنت.
- الجهاز ده محطوط في دولاب و الدولاب محطوط في مبني كبير اسمه مركز البيانات. شبه كارفور كدة، ارفف كتير و بينها ممرات. بدل مايبقي عليها منتجات بيبقي عليها سيرفرس.
- الموقع بيبقي مكون من صفحات زي اي مجلة او كتاب. بس انت بتحدد محتواها اذا كان ثابت او متغير.
- و الموقع فيه فهرس زي اي كتاب بس اسمه المنيو او القوائم اللي بتشاور عالصفحات.
-
طب ايه هي استضافة المواقع؟
- زي ما انت بتأجر مساحة لمحلك او مكتبك في مبني ادراي. ممكن تاجر مساحة على السيرفر بتاعك علشان تحط عليه موقعك.
-
طب ايه الفرق بين الموقع و صفحة الفيسبوك؟
- يا مربي في غير ولدك يا باني في غير ملكك.
- الاعتماد بس علي صفحة فيسبوك و زيادة عدد متابعينها بس كانك بتبني في غير ملكك.
- الفيسبوك بيغير قواعده كل شوية، و مع الوقت وصولك للناس اللي عندك بيقل و اسعار الاعلانات بتزيد.
- انما الموقع هوه ملكك و يعتبر اصل من اصول البزنس بتاعك. كل لما يبقي معروف اكتر و ناس تدخل عليه، هاياخد سمعة افضل علي محركات البحث و اهمية و ممكن ماتحتاجش اعلانات بعد كدة.
-
استخدام الموقع كواجهة فقط
- احيانا البزنس بتاعك مش بيعتمد علي الموقع بس ممكن يبقي زي بروشور او كارت فيه معلوماتك و طرق للاتصال بيك.
-
استخدام الموقع كمدونة او مصدر معلومات
- ده الاتجاه دلوقت في التسويق الالكتروني.
- انشاء المحتوي عن طريق مقالات و محتويات تفيد شريحة معينة من الناس.
- ثم الترويج ليها علشان الTraffic يزيد و اهتمام الناس يزيد.
- ثم عرض المنتج او الخدمة علي الناس داخل الموقع او المحتوي.
- الموضوع ده بينفع بس لو عندك خبرات او افكار مفيدة للناس ممكن تنقلها كنص او صوت مثلا.
- و موقعك ساعتها هايبقي مصدر اساسي للمعلومات زي المواقع المشهورة اللي بتدخل عليها يوميا.
-
الفرق بين الكيف و الكم في المحتوي
- زمان الناس كانت بتكتب كميات كبيرة من المقالات و تملاها كلمات بحث علشان تشتهر علي جوجل
- النهاردة جوجل بقي بيشهر فقط المواقع اللي فيها مقالات طويلة و قيمة و مفيدة
- ركز علي جودة المحتوي اكثر من كميته.
-
استخدام مواقع التواصل لترويج الموقع
- بعد ما تبني الموقع ممكن ساعتها تعمل صفحة علي موقع تواصل اجتماعي
- و بعد كدة تنشر مقالاتك و صفحاتك عليها
- و تسوق عن طريق الاعلانات الموجهة، و اللي بتستهدف شريحة عمرية او جغرافية او حسب الاهتمامات.
-
بناء القائمة البريدية
- النهاردة القوائم البريدية بقت مهمة جدا في التسويق الالكتروني، اكتر من صفحة الفسيبوك.
- عبارة عن ليستة باسماء و عناوين بريد للناس اللي اشتركت فيها.
- بتقدر تراسلهم بشكل دوري و تحط مقالات او محتوي مفيد او تروج عن منتج.
- اشهر المواقع في مصر و العالم من موقع Alexa التابع لامازون وهو موقع احصاءات و تحليل للTraffic و ترتيب المواقع في العالم
- العالم:
- جوجل: بيشاور عليه 4 مليون موقع
- يوتيوب: 3 مليون
- فيسبوك: 8 مليون
- بايدو اللي هوه جوجل بتاع الصين: 191 الف “ملحوظة: بايدو هو محرك البحث الاول في الصين ده المقصود بجوجل بتاع الصين اللي ذكرتها في الحلقة”
- ويكيبيديا: 2 مليون
- مصر: بعد جوجل بردو و يوتيوب و فيسبوك ييجي
- اليوم السابع: بيشاور عليه 17 الف
- البوابة نيوز: الفين
- فيديو اليوم السابع: 600 موقع
- انت كمان ممكن الاونلاين بزنس بتاعك يكبر وتبقي في القايمة دي
- العالم:
موارد الحلقة
روابط:
- جروب خليك عارف arefonline.com/g
- صفحة الفيسبوك arefonline.com/f
- تويتر arefonline.com/t
- يوتيوب arefonline.com/y
- baidu.com
- Alexa.com
[xyz-ihs snippet=”OnePagePlan-MailChimp-Form”]
Podcast: Play in new window | Download (Duration: 18:36 — 34.1MB)