حلقة (10) – إزاي تعمل محتوى مفيد و جاذب للزوار في نفس الوقت؟

عارف أونلاين بودكاست

اهلا و سهلا بيكم في ملخص الحلقة العاشرة من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • دراسة و بحث السوق

    • بحث السوق ببساطة هو جمع معلومات عن احتياجات العملاء بتوعك وطبيعة السوق اللي بيمثلهم بشكل عام.
    • و في نفس الوقت تدور علي المنافسين المحتملين في نفس المجال، و تحلل نقاط القوة و الضعف عندهم مقارنة بنقاط القوة و الضعف بتاعتك.
    • بعد كدة المفروض إنك تلاقي ميزتك. أو دور بنفسك جوه نفسك علي رأي مكي.
    • ميزتك التنافسية دي، هي الحاجة اللي هاتخلي العملاء يجولك إنت بدل ما يروحوا للمنافسين بتوعك. و بعد كدة اشتغل عليها و طورها طول الوقت.
  • انشاء تصور لملف العميل

    • لما بتبحث في السوق بتقدر تحدد نوع العميل بتاعك بس لازم تعمله لبروفايل، علشان تعرف انت بتكلم مين.
    • حدد تفاصيل الفئة اللي العميل بنتمي ليها، زي الفئة العمرية، الموقع الجغرافي، النوع، الوظيفة، الحالة الاجتماعية، متوسط الدخل، المشاكل و التحديات اللي بيواجهها في حياته.
    • دورك إنك تحط حل أو مجموعة حلول متميزة للمشاكل اللي بيواجهها العميل بتاعك، حتي قبل ما تبدأ تتكلم معاه.
    • ولازم تعرف لغته، و تخاطبه بيها. علشان ماتعملش مسافة.
    • ده اللي هايخليك تقدر تنشئ محتوى بيحل مشاكل العملاء المحتملين بتوعك، و في نفسك الوقت يكون قريب منهم و شيق بالنسبة ليهم.
  • الجدولة

    • في مبدأ معروف بيقول، إن الحاجة اللي مابتتحطش في خطة أو علي النتيجة، يبقي عمرك ما هاتعملها.
    • التخطيط و الجدولة مهمين جدا في انشاء المحتوي، علشان تقدر تواصل في تقديم الفائدة للناس بشكل منظم و بدون ما تؤجل أو تشعر بالملل.
    • إعمل جدول شهري أو أسبوعي بحيث تخصص أيام لكل مرحلة من مراحل انشاء المحتوي بتاعك.
    • مثلا، لو بتكتب مقالات. فالمراحل بتكون وضع المواضيع و الأفكار بشكل عام، البحث في الموضوع، كتابة الdraft الأول، مراجعة و تحرير ثم النشر.
  • الإبداع

    • المفروض إن كل محتوى بتقدمه يكون تحفة فنية، و مليان قيمة و فائدة للناس.
    • الناس علشان تجيلك لازم تحس إن محتواك فعلا بيحل مشاكلهم أو بيسد احتياجاتهم.
    • ركز علي جودة المحتوي مش كميته.
    • الصور في المقالات لازم تكون عالية الجودة من حيث درجة الوضوح و محتواها. و في نفس الوقت تتقي فيها ربنا.
    • من مواقع الصور المجانية اللي ممكن تختار منها Pexels و Pixabay
    • حاول دائما يكون المحتوي مرتبط ببعضه مش مشتت. و في نفس الوقت يكون في استمرارية و تواجد في نفس المواعيد اللي الناس متعودة عليها.
  • التضبيط

    • أهم من الشغل، تضبيط الشغل.
    • الصور مهم جدا تبقي بجودة عالية بس خفيفة التحميل في نفس الوقت.
    • المحتوي بتاعك لو نصي مش مشكلة. بس لو صوتي أو فيديو لازم يبقي معاه نص مرفق بيشرح محتوي الصوت أو الفيديو علشان جوجل يفهم الصفحة بتاعة المحتوى بتتكلم في ايه.
    • الــSEO Optimization هو ببساطة تضبيط موقعك من وجهة نظر محركات البحث. علشان تقدر تفهم و تعلي الــRank بتاعه مقارنة بالمنافسين ليك.
    • مهم جدا يبقي فيه ربط داخلي بين صفحات المحتوى أو المقالات و بعضها على حسب العلاقة بينهم. بنفس أهمية إن عنوان موقعك يبقي محطوط علي مواقع أخري مشهورة، جوه المحتوى اللي موقعك يقدر يثريه. لإن ده بيوصل لمحرك البحث جوجل إن موقعك Authority.
  • حاجات تاخد بالك منها:

    • تجنب استهداف عام جدا للعملاء بدون تحديد خصائص معينة.
    • خليه محدد جدا في مساحة صغيرة من السوق ولما تثبت نفسك فيها ممكن تتوسع.
    • تجنب الصور رديئة الجودة أو اللي محتواها مايرضيش ربنا.

موارد الحلقة

روابط:

إبدأ هنا و نزّل خطة الصفحة الواحدة

شارك الفائدة مع أصدقائك

مقالات مرتبطة

حلقة (14) – تجهيز موقعك للربح من الإعلانات و ترويج المنتجات

اهلا و سهلا بيكم في ملخص الحلقة رقم (14) من عارف أونلاين بودكاست، اتكلمت في الحلقة دي في النقاط التالية: اسمع الحلقة هنا أو نزلها…

شارك الفائدة مع أصدقائك

الردود على الموضوع