حلقة (14) – تجهيز موقعك للربح من الإعلانات و ترويج المنتجات

اهلا و سهلا بيكم في ملخص الحلقة رقم (14) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • إنشاء محتوي يساعدك علي ترويج المنتجات و الإعلانات
    • انشاء استراتيجية المحتوي بناءاً علي الجودة 
      • حدد هدفك من انشاء المحتوى، ليه بتعمل كدة؟ زي ما قلنا في خطة الصفحة الوحدة.
      • حدد بتكلم مين بالضبط
      • حط أفكار للموضوعات اللي عاوز تعمل عليها محتوى
      • حدد نوع المحتوى سواء كتاب الكتروني، مقالات، فيديوهات، حلقات صوتية .. الخ.
      • حدد جدول للنشر بشكل منظم مش عشوائي.
    • تخصيص وقت كافي لانشاء المحتوي: لازم تعمل جدول لنفسك و تلتزم بيه، تقدر تخصص فيه اوقات محددة تركز فيها في انشاء المحتوى بدون أي تشتيت خارجي.
    • تقديم الفائدة من خلال المحتوي و المنتجات التي يتم الترويج لها: و إنت بتعمل المحتوى لازم تحط حاجتين في دماغك. ازاي تعمل محتوى مفيد جدا للناس و تضيف فيه لمستك المختلفة عن اي محتوى أخر، و إزاي ترشح وسائل و منتجات مرتبطة بالمحتوى و بتساعد ان الناس يستفيدوا اكتر. و المنتجات دي بتكون هي المنتجات اللي انت بتروجلها، و بدون SPAM.
  • إزاي تبقي سوبر Affiliate “ملحوظة: أعتذر عن بعض المشكلات الفنية في هذه الفقرة من الحلقة الصوتية، أرجو الرجوع للنقاط المكتوبة تحت علشان تستوعب المقصود”

    • تعريف: بشكل مبسط، هوه مروج المنتجات اللي واخد الموضوع بجدية و شغل حقيقي. بيستثمر وقته و مجهوده و احيانا فلوسه في الترويج لمنتجات الشركات بطرق فعالة و مربحة. و علشان كدة بيبقي سبب في اكبر عائد من الــAffiliates للشركات دي، و بيتعامل معاملة خاصة.
    • التوافق مع الفئة المستهدفة و الاستمرارية في العمل: يعني تفضل تعمل محتوى مفيد و متناسق مع اهتمامات الزوار، و في نفس الوقت تستمر بدون توقف في حملات الترويج المرتبطة بالمحتوى.
    • استخدام القوائم البريدية للتواصل مع الجمهور: من احسن الطرق الفعالة علشان تبقي متميز في الــAffiliate Marketing، إنك ماتسيبش زوارك يمشوا من موقعك على أمل انهم يرجعوا تاني. لازم تحاول تدخلهم في Sales Funnel بحيث يشتركوا في قائمتك البريدية، و بعدين تقدملهم محتوى قيم، ثم تعرضلهم منتجات تفيدهم مرتبطة بالمحتوى.
  • اضافات Plugins علشان تحط لينكات علي موقعك
    • Adsense Plugin: في أكثر من طريقة تحط بيها اعلانات جوجل علي موقعك منها انك تستخدم اضافة او Plugin وهنتكلم علي ده في الحلقة الجاية.
    • Pretty Links: ده Plugin مفيد جدا بيخليك تعمل لينكات تحت اسم موقعك، و توجهها علي لينكات المنتجات اللي انت بتروجلها علي مواقع تانية. الفائدة من ده هوه المرونة في اعادة توجيه اللينكات دي و القدرة علي تقييم عدد الزيارات للينكات دي من خلال موقعك.
    • Amazon Links: ممكن تحط اضافة لو انت مشترك في ترويج منتجات أمازون، و تضبطها بحيث تعرض منتجات أمازون علي موقعك حسب اختياراتك.
  • برامج ووسائل مهمة
    • Google Analytics: و دي خدمة مجانية مقدمة من جوجل، تقدر من خلالها تحط كود علي موقعك. و بعد ايام قليلة هاتجمع تحليلات و بيانات لتفاعل الزوار مع موقعك بشكل تفصيلي و تقارير. من خلال ده ممكن تعرف ازاي تحسن جودة موقعك و تزود الربح كمان عليه.
    • Google Webmaster: بتحط عليه SITEMAP أو خريطة موقع الانترنت بتاعك. و بعد كدة بيبقي عليه معلومات مهمة جدا عن فهرسة موقعك علي محرك بحث جوجل. و بيقولك لو فيه اي مشاكل محتاج تعالجها علشان الناس تلاقيك بشكل أفضل.
    • Google XML Sitemaps Plugin: و دي اضافة بتحطها علي WordPress و بتعملك خريطة موقع تاخدها و تحطها علي Google Webmaster
  • الخطوات
    • انشاء اول مجموعة Batch من المحتوي: يعني مثلا تعمل خطة لانشاء 6 مقالات أو فيديوهات و تنشرها مرة واحدة قبل بداية الترويج لموقعك. علشان الناس تدخل تلاقي محتوى تتحرك جواه.
    • انشاء Freebie او وسيلة مساعدة مجانية لزوارك لانشاء القائمة البريدية: و ده بانك تعمل مثلا كتيب الكتروني صغير مفيد للزوار، او حاجة زي خطة الصفحة الواحدة علي عارف أونلاين، و تخلي الناس تاخدها بعد ما تدخل بياناتها و تشترك في القائمة البريدية بتاعتك.
    • الترويج على مواقع التواصل: بعد كدة تبدأ تروج للمحتوى بتاعك على مواقع التواصل في البروفايل بتاعك، و في صفحة مخصصة للبراند بتاعك باعلانات مدفوعة.
    • الترويج في المنتديات: ممكن تدخل منتديات مرتبطة بالمحتوى بتاعك، تجاوب علي اسئلة الناس من خبرتك في المجال وتعمل اسم في المنتديات دي، و الناس هي اللي هاتدور عليك بعد كدة. و ممكن من وقت للتاني ترد علي مناقشات الناس و تضيف لينك لموضوع معين علي موقعك للي عاوز يستفيد أكثر بدون ما تبقي SPAMMY.
    • الترويج وجها لوجه: في المناسبات، في الأسرة، في العمل أو حتى وسط أصحابك لو أي حد مهتم أو بيسأل في المجال بتاعك.
  • حاجات تاخد بالك منها
    • تجنب الــSPAM في الرسائل و وضع الاعلانات و كمان حتي وجها لوجه.
    • نسخ محتوى من مواقع اخرى علشان تكبر بسرعة.
    • الاستعجال و عدم الصبر أو عدم الصدق في تقديم محتوى مفيد للناس.

موارد الحلقة

روابط:

نزّل خطة الصفحة الواحدة و اشترك في قائمة النجاح مع عارف أونلاين

* indicates required

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *