حلقة (19) – لو معنديش فكرة ابدأ بيها للأونلاين بزنس أعمل إيه؟
اهلا و سهلا بيكم في ملخص الحلقة رقم (19) من عارف أونلاين بودكاست، اتكلمت في الحلقة دي في النقاط التالية:
اسمع الحلقة هنا أو نزلها و اسمعها براحتك
Podcast: Play in new window | Download (Duration: 18:09 — 33.2MB)
اشترك في البودكاست Subscribe Email | RSS
- لو معنديش فكرة ابدأ بيها للأونلاين بزنس أعمل إيه؟
- زي ما قلت أكثر من مرة، البزنس على الانترنت محتاج تسويق جيد جدا. و التسويق اللي بيجيب نتيجة حقيقية هو تسويق المحتوى.
- يعني تقدم فايدة و تحل مشكلة عند ناس معينة من خلال المحتوى بتاعك.
- و علشان تقدم محتوى بيحل مشكلة محتاج حاجتين، محتاج تحدد المشكلة اللي عند ناس معينة، و في نفس الوقت محتاج تعرف اذا كان عندك حل للمشكلة دي ولا لأ.
- ممكن تبدأ تشوف إيه المهارات و الخبرات اللي عندك، و تشوف الخبرات دي بتحل مشاكل إيه عند الناس. إسأل نفسك، إنت عارف إيه أو مهتم بإيه و عندك خبرة كويسة فيه و تقدر تفيد الناس؟
- و من هنا تعمل تعريف سليم للمشكلة و حلها و نوعية الناس اللي محتاجين الحل ده، و تخاطبهم بأسلوب مناسب ليهم.
- المهم تختار مجال انت بتحبه و تقدر تكمل فيه مهما حسيت بملل أو صعوبة.
- لما تعمل محتوى مستمر و مفيد و يلاقي إقبال، هاتقدر من خلال الإقبال ده إنك تعمل: كورسات، إعلانات لشركات تانية، ترشح منتجات شركات و تاخد نسبة عليها، تقدم خدمة معينة، تصنع منتج و تبيعه على موقعك و هكذا.
- دي طريقة التفكير اللي ممكن بيها تستنتج إيه الفكرة اللي ممكن تعمل بيها بزنس على الانترنت. المهم تكون متأكد إن مفيش فكرة ماتتعملش بزنس. المهم تكون فيه مشكلة و انت بتحلها بالحاجة اللي بتقدمها. و تكون حلال.
موارد الحلقة
روابط:
- جروب خليك عارف arefonline.com/g
- صفحة الفيسبوك arefonline.com/f
- تويتر arefonline.com/t
- يوتيوب arefonline.com/y
الردود على الموضوع