حلقة (9) – إزاي تصمم و تأمن و تضبط موقعك؟

عارف أونلاين بودكاست

اهلا و سهلا بيكم في ملخص الحلقة التاسعة من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • تصميم الموقع
    • تصميم الموقع هوه اول حاجة الناس بتشوفها، يا إما هايمشوا و مايرجعوش تاني يا إما هايبقوا زوار مستمرين.
    • ميزة WordPress إنه هايخليك في أغلب الأحيان مش محتاج مصمم مواقع و تكاليف كبيرة. لإنه معتمد علي نظم القوالب.
    • يعني تنزل تصميم جاهز من علي الانترنت أو تختاره من معرض القوالب بتاع WordPress و تركبه علي موقعك بنفسك بسهولة.
    • معرض القوالب بتاع WordPress بتدخل عليه من جوه لوحة تحكم موقعك و فيه قوالب مجانية.
    • لو عاوز قالب احترافي ممكن تشتري واحد متوسط سعره 50 دولار من واحد يعتبر من اكبر أسواق تصميمات و هوه Themeforest
    • عبارة عن سوق عليه أدوات و تصميمات لمواقع الانترنت، و بيبقي عليه تقييم المشترين و تفاصيل كاملة عن التصميم اللي عاوز تشتريه و ممكن تشوفه علي الطبيعة كمان.
    • الفرق بين القالب المجاني و المدفوع، بيبقي احترافية أكثر، خصائص اكثر و دعم فني. المهم لو هاتجرب المجاني، يكون من معرض WordPress نفسه علشان مايبقاش مضروب أو خطر علي أمان موقعك.
  • تأمين الموقع
    • حماية موقعك من القرصنة مهم جدا لضمان استمرارية البزنس بتاعك.
    • لازم تشفر موقعك مبدئيا بحاجة اسمها SSL Certificate ، و دي وسيلة بتخلي كل البيانات اللي بتتكب علي موقعك مشفرة وهي رايحة و جاية علي الانترنت.
    • مثال: شاشة الدخول علي لوحة التحكم، نماذج التواصل، وسائل الدفع.
    • فيه إضافات علي WordPress دورها تقوي تأمين موقعك و تقولك علي التوصيات المطلوب عملها لزيادة تأمين الموقع. زي WP All In One Security .
    • من أهم احتياطات التأمين، إن تكون كلمة المرور بتاعتك صعبة التخمين. يعني متكونة من حروف و أرقام و رموز و حرف منهم يكون Capital، و تبقي فوق ال8 حروف أو ارقام.
  • النسخة الاحتياطية Backup
    • النسخة الاحتياطية أو الـBackup، هي نسخة طبق الأصل من ملفاتك بتاخدها علي مكان تاني علشان لو النسخة الأصلية حصل فيها مشاكل.
    • أهمية الBackup لموقعك هوه حماية مجهودك و بياناتك و بيانات العملاء بتوعك لو حصل مشكلة قرصنة، أو مشكلة تقنية طيرت بياناتك من السيرفر.
    • أغلب شركات الاستضافة بتقدم خدمة الBackup، و بيضمنولك استرجاع النسخة حسب شروط معينة.
    • لكن لزيادة الأمان، خد نسخة كل فترة علي جهازك الشخصي. و لمضاعفة الأمان، ممكن تحط نسخة مشفرة و محمية بكلمة مرور علي مساحة تخزين غير مساحة موقعك أو عند شركة تانية.
    • في اضافات WordPress بتساعدك تاخد Backup لموقعك تلقائي.
  • آداء الموقع
    • الناس علي إنترنت ملولة، و نسبة التشتيت عالية جدا.
    • يعني لمو موقعك بطئ، الناس مش هتفتحه للآخر و مش هاترجع تاني.
    • من اكثر الحاجات اللي بتبطأ الموقع، الصور.
    • لازم الصور تكون خفيفة و حجمها مش كبير مع الاحتفاظ بجودتها. و فيه اضافات بتعمل تحسين آداء أو Optimization للصور علي موقعك. بدون خسارة جودتها.
    • كمان في أجزاء تانية من الموقع ممكن تسبب بطء، و فيه طرق تقنية كتير بتحل المشكلة.
    • اضافات WordPress بتساعدك تحل اغلب مشاكل الآداء تلقائي و بسهولة.
  • حاجات تاخد بالك منها:
    • إنك تكبر و متاخدش Backup.
    • تجاهل تأمين موقعك.
    • استخدام قوالب مجانية أو رخيصة من أماكن أو مواقع تحت السلم.

موارد الحلقة

روابط:

إبدأ هنا و نزّل خطة الصفحة الواحدة

مقالات مرتبطة

الردود على الموضوع