عن شادي العارف

شارك الفائدة مع أصدقائك

أنا إسمي شادي العارف بالله، مصري و مقيم في مصر. من مواليد 1983 و عشت معظم طفولتي في الخليج.

لما خلصت مدرسة دخلت كلية الحاسبات و المعلومات جامعة القاهرة، و تخصصت في مجال تكنولوجيا المعلومات.

اتخرجت و دخلت الجيش، و بعد كدة اشتغلت في شركة من اكبر شركات المقاولات في مصر في قسم نظم المعلومات.

بدايتي في الأونلاين بزنس بدأت قبل ما الناس تعرف الإنترنت بشكل فعلي في مصر، و أنا في الكلية في 2002.

اشتغلت مع مؤسسات و شركات عن طريق برمجة مواقع انترنت ليهم قبل ما يبقي فيه برامج تسهل عليك عمل موقع انترنت زي النهاردة.

فا كنت باكتب الكود بتاع الموقع من الالف إلي الياء بالاستعانة بالكتب و بعض الصفحات المحدودة علي الإنترنت وقتها.

تخصصت في مجال خدمات الانترنت من عمل المواقع و استضافتها و صيانتها من سنة 2002 لحد 2016، لحد ما قررت اتوسع بأنشطتي و ادخل مجالات أكبر زي التجارة الالكترونية و كل ما يتعلق بيها.

هدفي من الموقع ده إني اختصرلك الوقت و المجهود و اساعدك تبدأ في تحقيق احلامك من خلال الأونلاين بزنس بشكل اسرع و تتجنب الأخطاء و المشاكل اللي أنا مريت بيها.

لو عندك أي سؤال، إدخل صفحة إسأل شادي وإسأل سؤالك و بإذن الله هارد عليه في اسرع وقت. أو إكتب علي جروب خليك عارف و هاحاول أنا أو اي حد من الجروب إننا نساعدك بإذن الله.

في رعاية الله.