حلقة (2) – الأونلاين بزنس، تعريفه، و اهم مكوناته، و انواعه

عارف أونلاين بودكاست

اهلا و سهلا بيكم في ملخص الحلقة الثانية من عارف أونلاين بودكاست. في الحلقة دي اتكلمت في حاجات كتير أهمها النقط التالية:

  • التعريف

    • الأونلاين بزنس هو أي عمل بيحصل فيه تبادل للمعلومات و الفلوس علي الانترنت بشكل أساسي.
    • العمل ده ممكن يبقي خدمي “زي السكرتارية أو حتي تحرير المقالات”، تعليمي “زي الأونلاين كورس”، تجارة الكترونية “زي بيع المنتجات على الانترنت”، أو استخدام الخبرة “زي الترجمة”.
  • درجات الصعوبة

    • بيتدرج من حيث سهولة البداية و قلة او انعدام التكلفة الي الصعوبة مع ارتفاع التكلفة كالأتي:
      1. العمل الحر Freelancing
      2. خلق و تسويق المحتوي Content Creation
      3. خلق المنتجات Product Creation
    • عيوب البزنس العادي و صعوباته:

      • التكلفة الأولية و المستمرة
      • الاجراءات و الرسميات
      • محدد الموقع الجغرافي
      • محدد الوقت
    • مزايا و عيوب الأونلاين بزنس

      • بعض المزايا:
        • قلة أو انعدام تكلفة بداية و انشاء البزنس
        • مفيش تحديد للوقت
        • مفيش تحديد للموقع الجغرافي
        • انتشار و تواجد أكبر
      • بعض العيوب:
        • التنافسية الشديدة لانه السوق مفتوح لأي حد.
        • المشكلات الفنية و التقنية.
        • مشكلات الأمان و سهولة الاحتيال.
        • صعوبة الحصول علي ثقة العميل او بتحتاج وقت و مجهود.
  • قصص النجاح

    • علي بابا
      • جاك ما اتولد سنة 1964 لاسرة مش مقتدرة ماديا في الصين.
      • وهوه صغير كان بيصحي بدري يروح الفندق بتاع المدينة بتاعته، يعرض علي السياح انه يوريهم المدينة في جولة سياحية مقابل انهم يدوله دروس انجليزي.
      • دخل معهد المعلمين بصعوبة لانه سقط في امتحان القبول كذا مرة بس ميأسش
      • سنة 1988 قدم علي اكبر عدد من الوظايف و اترفض كتير جدا.
      • لما اخيرا اتعين مدرس انجليزي كان بياخد 12 دولار في الشهر يعني حوالي 212 بسعر الدولار النهاردة. فما بالك ايامها.
      • مكانش عنده اي خبرة في الكمبيوتر او البرمجه بس اتعلق بالانترنت لما زار امريكا سنة 1995
      • بعدها قرر انه يعمل شركة انترنت في الصين و اول شركتين فشلوا.
      • بعد كدة جمع 17 من اصحابه و اقنعهم انهم يستثمروا وقتهم و مجهودهم في فكرته انه يعمل علي بابا ، و كان دور الموقع ان المصدرين يحطوا منتجاتهم عليه بحيث الناس تشتري من على الموقع مباشرة.
      • في السنوات الاولي الناس اشتغلت من غير ولا مليم.
      • و الشركة قعدت تكبر لحد ما وصلت النهاردة ان قميتها تقدر بحوالي 264 مليار دولار و فيها حوالي 36 الف موظف.
    • جوجل
      • اتعمل في 1998 عن طريق لاري بيج و سيرجي برين لما كانوا بيعلموا دكتوراه في جامعة ستانفورد.
      • الهدف كان تحسين طريقة اظهار ترتيب نتايج البحث بدل مايبقي عن طريق عدد الزيارات، يبقي عن طريق العلاقات بين المواقع “وضح اكتر”.
      • جوجول هوه الرقم : واحد و جنبه 100 صفر.
      • و بعد كدة فضل المشروع يكبر و يتمول
      • لحد ما باقي شركة قيمتها 101 مليار دولار – 61 الف موظف
    • أمازون
      • جيف بيزوس عمل امازون سنة 1994
      • عمل بحث عن المنتج اللي ممكن يبقي معفي من الضرايب لو البايع مالوش مكتب فعلي او تواجد ملموس. لحد ما قرر يشتغل في الكتب.
      • بدا البزنس من الجراج بتاع تحت اسم كادابرا و بعد كدة اتحول لأمازن دوت كوم اللي كان عبارة عن موقع الكتروني لبيع الكتب.
      • سنة 1995 يعني بعد سنة بقي الموقع بيكسب 20 الف في الاسبوع
      • بعد كدة اتحول هدفه من مجرد بيع كتب لانه يبقي اكبر متجر الكتروني في العالم.
      • لحد ماوصلت النهاردة ان الشركة بقت قيمتها 427 مليار دولار – 341 الف موظف
    • فيسبوك
      • مارك زكربرج كان شاطر اوي في البرمجة و هوه في جامعة هارفرد.
      • عمل برنامجين وقتها في الكلية اشتهروا اوي.
      • اتفق مع صحبه يعملوا مع بعض شبكة اجتماعية عالنت تسمح لطلبة هارفرد انهم يتواصلوا مع بعض.
      • الموقع خرج للنور سنة 2004 و كان بيديره من اوضته في بيت الطلبة.
      • بعد كدة ساب الكلية علشان يكمل حلمه و الموقع وصل مليون مستخدم في اخر 2004
      • اواخر 2005 الموقع اتفتح لجامعات تانية و مدارس
      • لحد ما وصل في 2015 حوالي 2 مليار مستخدم نشط في الشهر
      • و النهاردة تقريبا قيمة الشركة وصلت 407 مليار دولار – 17 الف موظف
  • أنواع الأونلاين بزنس

    • اولا أهمية ان يبقي عندك موقع انترنت:
      • موقع الانترنت يعتبر هوه مقر شركتك. يعني بدونه كانك مجرد كشك في الشارع ممكن يتشال في اي وقت.
      • الأنواع باختصار:
        • العمل الحر Freelancing: يعني انك تنفذ مهام او مشاريع لاشخاص او شركات و تاخد مقابل شغلك اونلاين.
        • نشر المحتوي: يعني تنشر محتوي مفيد للناس سواء نصي، صوتي او مرئي ولما الزيارات و التفاعل يزيد اوي تقدر تروج لمنتجات و تاخد نسبة من البيع.
        • بيع المنتجات “و الخدمات المعلبة في شكل منتج”: يعني انك تختار منتج سواء رقمي او ملموس و تنشئه و تسوقله و تبيعه.
      • كل انواع الاونلاين بزنس معتمدة علي فكرة موقع الانترنت لضمان نجاحها و استمرارها.
    • دروس مستفادة سريعة:

      • مبدأ ان النجاح مش بييجي غير بانك تمشي في طريق واحد ووحيد هوه المدرسة ثم الجامعة ثم الوظيفة هوه مبدا غلط.
      • الخبرة العملية اهم من الخبرة الاكاديمية، حتي لو احتجت العلم الاكاديمي لازم يبقي اصقال للخبرة العملية مش هوه الاساس الوحيد.
      • انت مش محتاج رأي حد علشان تبدا تمشي في طريقك لحلمك و تقدر تبدا الاونلاين بزنس بتاعك من النهاردة.
      • لو الكسل و الاحباط هوه اللي مخليك مهدود و مش قادر تقوم من عالكنبة، انا جبتلك الشغل لحد الكنبة.

موارد الحلقة

روابط:

إبدأ هنا و نزّل خطة الصفحة الواحدة

شارك الفائدة مع أصدقائك

مقالات مرتبطة

الردود على الموضوع

  1. انا بدأت أسمع ال ٥٤ حلقة تانى شادى عشان أحصل أكبر قدر ممكن من المعلومات اللى ممكن تكون و ده اكيد ما أقدرتش أستوعبها أو وقعت منى خلال سماعهم كلهم فى المرة الأولى و لو حكمت هسمعهم تالت و رابع عشان أحدد مهامى كويس و أعرف انا فين و محتاج اكون فين
    لكن بعد ما سمعت الحلقة دى بتمعن اكتر حددت هدف زمنى محدد و هو إن شاء الله اول قطعة من المنتج اللى بهدف لتصنيعه و إنتاجه بيد مصرية ١٠٠٪ على أمازون هيكون خلال ٨ شهور من دلوقت و انا بأشتغل على كده و معرفش هل كلامى ده هو خطة العمل الى بالشكل اللى انت تقصده و لا لأ !!

    1. إزيك يا استاذ هشام و اسف على التأخر في الرد. و شكرا على تعليقك. أنا سعيد جدا إن الحلقات مفيدة و ليك و ساعدتك تبدأ تاخد خطوات. و بإذن الله ربنا يوفقك و قبل 8 شهور كمان تكون حطيت منتجك على أمازون.
      بالنسبة للخطة و الشغل العملي، ممكن تدخل دلوقت على الإصدار التجريبي من عارف أكاديمي على https://ArefAcademy.com و إدخل على معمل عارف أونلاين هتلاقي درس: الخطة و بحث المنتج.

      هتلاقي باذن الله الفيديو النظري بتاع اليوتيوب و فيديو شرح عملي و ملفات تقدر تنزلها و تساعدك في التخطيط بشكل مبسط. شوفها كدة و قوللي رأيك.