حلقة (28) – إنشاء و ضبط صفحة المنتج على أمازون
اهلا و سهلا بيكم في ملخص الحلقة رقم (28) من عارف أونلاين بودكاست، اتكلمت في الحلقة دي في النقاط التالية:
اسمع الحلقة هنا أو نزلها و اسمعها براحتك
Podcast: Play in new window | Download (Duration: 10:02 — 18.4MB)
اشترك في البودكاست Subscribe Email | RSS
- مقدمة
- كل منتج على أمازون بيبقي معروض في نتائج البحث مع منتجات تانية.
- بيظهر في صفحة النتائج بيانات مهمة زي صورة المنتج، العنوان، السعر و التقييم.
- جودة و تنافسية المعلومات المعروضة في نتيجة البحث هي اللي بتحدد اذا كان الناس هاتضغط على اللينك بتاعك ولا لأ.
- صفحة المنتج بتاعك على أمازون هي مربط الفرس. بعد ما الناس بتضغط على اللينك و تدخل صفحة المنتج بيتحدد بعد كدة اذا كانت الصفحة هاتخليهم يشتروا أو يدوروا على منتج تاني.
- جودة الصفحة هي اللي بتحدد اذا كان المنتج هاينجح أو هايتركن في أخر الصفحات في نتائج البحث على أمازون.
- صور المنتج
- ممكن تحط حوالي 7 صور للمنتج بتاعك على أمازون، و اهمهم الصورة الرئيسية للمنتج اللي بتظهر في صفحة النتائج.
- صور المنتج تكون بجودة عالية جدا و احترافية.
- الصورة الرئيسية لازم تكون بخلفية بيضاء و مفيهاش كلام أو صور مخالفة لشروط أمازون.
- جودة الصورة و وصفها للمنتج بطريقة واضحة مهم جدا لتحويل المتصفح لحد مهتم بمنتجك، ثم لعميل.
- عنوان المنتج
- الناس بتبحث على أمازون بكلمات بحث، و بالتالي لازم أهم كلمات البحث تكون موجودة في عنوان المنتج بتاعك.
- عنوان المنتج المفروض يكون معبر عن وصف المنتج بشكل مختصر و جذاب.
- حاول تشوف المنتجات الموجودة بالفعل زي منتجك عاملة إيه، و ممكن تقتبس منهم بس بطريقة تخلي منتجك مميز عنهم.
- المزايا و المواصفات
- هاتحتاج تحط بردو كلمات البحث الاساسية في الجزء المخصص للمزايا أو الــFeatures.
- من الأفضل انك تكتب المزايا هنا مش المواصفات، بمعني انك تكتب الحلول اللي المنتج بيقدمها لمشاكل العميل، او الفوائد اللي هاتعود على العميل لما يستخدمه بشكل عام.
- حاول تخلي كل نقطة من المزايا مختصرة و سهلة القراءة.
- وصف المنتج
- هنا بتحكي أكثر عن المنتج و مواصفاته الفنية.
- و ممكن تعيد سرد المزايا بشئ من التفصيل بجانب المواصفات.
- من معلوماتي ان العنوان و المزايا هما اللي أمازون بيبحث فيهم عن كلمات البحث المرتبطة بمنتجك علشان يظهرها للناس.
- لكن الوصف مهم بردو لو العميل عاوز يعرف اكتر عن المنتج بشكل من الاستفاضة.
- طباعة كود المنتج
- بتطبع الFNSKU على PDF و بعدين تبعتها للمصنع علشان يحطها على المنتج أو الغلاف الخارجي بتاعه.
- تجهيز خطة الشحن Shipment Plan
- لما تخلص الــListing بتاعتك و قبل ما المصنع يغلف المنتج بتاعك، المفروض تعمل الــShipment Plan من خلال موقع أمازون للمنتج بتاعك.
- بعد كدة بتطبع الــLabels بتاعت الشحن اللي عليها كود أمازون و تبعتها للمصنع علشان يلزقها على الكراتين الخارجية للشحن.
موارد الحلقة
روابط:
- جروب خليك عارف arefonline.com/g
- صفحة الفيسبوك arefonline.com/f
- تويتر arefonline.com/t
- يوتيوب arefonline.com/y
الردود على الموضوع