شارك
شروط وتراخيص عمل متجر الكتروني في مصر
سؤال
الأستاذ/ شادي المحترم،،،
السلام عليكم ورحمة الله
نرجو من حضرتك توضيح النقاط التالية:
هل لابد من إصدار تراخيص لعمل صفحة انترنت (متجر الكتروني) في مصر؟
ماذا يحدث لو تم الإنشاء دون عمل أي ترخيص؟
وهل البيع على فيس بوك يخضع لهذا الترخيص إن وجد؟
ما هو البديل أو البدائل لعمل متجر الكتروني خاص بي إذا كان هناك تراخيص في مصر؟
لسيادتكم وافر الاحترام والتقدير،،،
إعلان - برجاء مراعاة الله عز وجل في مشروعك وماتقدمه من محتوى على الإنترنت
إجابة ( 1 )
السلام عليكم ورحمة الله وبركاته
شكرا لسؤالك يا استاذ محمد.
انشاء موقع على الانترنت و متجر الكتروني و صفحة فيسبوك لا يشترط وجود اي نوع من التراخيص حتى الآن.
الفكرة هي وجود شكل قانوني ما، لو هاتحتاج تستلم أموال من العملاء أو الزبائن، و ده يكون من خلال شركة من شركات قبول الدفع، اللي هاتحتاج تتعامل مع كيان قائم بالفعل زي شركة.
بعد كدة المفروض تدفع ضرائب، فا هاتدفعها ككيان رسمي ولا كفرد؟
لكن التراخيص عموما حتى الآن بتعتمد على وجود مقر او نشاط على الأرض، ولازم يبقى فيه ترخيص لمزاولة النشاط و سجل تجاري و بطاقة ضريبية للشركة.
ده اللي بأدعو ليه، إن يكون البزنس قائم على كيان رسمي بكل تفاصيله.
لكن في حالتي انا اخترت إن يكون الكيان الرسمي بكل تفاصيله هو كيان أمريكي.
شركة امريكية، رقم ضريبي أمريكي، حساب بنكي امريكي و هكذا و مش بتحتاج رخصة في امريكا الا لو ليك مكتب ثابت هناك.
لكن لو هاتبيع من خلال منصة زي امازون او حتى متجرك الخاص من خلال مخازن امريكية بدون مايكون لك مقر ثابت او نشاط على الارض عموما هناك يبقى مش محتاج ترخيص.