شارك
كيفية التعامل مع الضرائب المصريه وانا عندي شركه امريكيه
سؤال
السلام عليكم استاذ شادي, يارب تكون بخير دايما ,, عندي سؤال في الضرائب ازاي هتعامل معاها في مصر وهل في بردوا نظام اقرارات كل شهر والكلام ده ولا ايه؟ ونسبه الضرائب في مصر بتبقى كام % انا بشتغل دروب شينغ ايباي ,, وعايز اعرف طالما انا عندي شركه في امريكا ليه مضطر التزم بدفع الضرائب في مصر وامريكا في نفس الوقت؟ وازاي هيعرفوا اني عندي شركه في امريكه اصلا؟
إعلان - برجاء مراعاة الله عز وجل في مشروعك وماتقدمه من محتوى على الإنترنت
إجابة ( 2 )
السلام عليكم ورحمة الله وبركاته
الحمد لله انا تمام الحمد لله
حضرتك بتدفع في مصر ضرائب على دخلك فقط اللي جايلك من الشركة الأمريكية حسب معاهدة تجنب الازدواج الضريبي زي ما شرحت في كورس شركتك في أمريكا للمبتدئين.
شركتك الامريكية لما تحولك ارباح، بتاخد من ارباحك ١٥% و تديها للضرائب. و في مضر تدفع ضريبة الدخل حسب الشريحة لو تجاوزت حد الاعفاء.
المعاهدة فيها بنود خاضة بتبادل المعلومات الخاصة بالضرائب بين البلدين، و اكيد منها لو اتحولك فلوس كمالك مصري لشركة أمريكية.
حسب ماقريت انا لقيت نفسي Non resident alien ومش مطالب اني ادفع Taxes في امركيا لاني لا عندي مكتب ولا موظفين لا زورت امريكا قبل كده, طيب اعرف نفسي انا في انهي شريحه في مصر هنا ازاي؟ وبعدين الفلوس اللي هتجيلي هتبقى بالدولار وهتدخل بنك بايونير , هل المفروض لما اعرف النسبه مثلا لو انا هدفع 10% المفروض تتحسب على المبلغ اللي بالدولار ولا لما تتحول بالجنيه المصري؟وبردوا حاولت ادور على موضوع اللي شركتي بتخصمه ده 15% مش لقيه تقريبا الكلام ده في امازون FBA فقط ؟!