شارك
ما هى كل الحسابات البنكية الألكترونية اللى أنا محتاجها و الفيز (فيزا) البنكية لمباشرة البيع و الشراء على أمازون و على بابا ؟
سؤال
ما هى كل الحسابات البنكية الألكترونية اللى أنا محتاجها و الفيز (فيزا) البنكية لمباشرة البيع و الشراء على أمازون و على بابا ؟ لأننا بنلاقى مشاكل بالبنوك بخصوص الدفع الألكترونى بالدولار من الخارج فى البنوك المصرية و ياريت لو تذكر الشروط المطلوبة لفتح أى و كل منهما
إعلان - برجاء مراعاة الله عز وجل في مشروعك وماتقدمه من محتوى على الإنترنت
إجابة ( 1 )
شكرا استاذ هشام على متابعتك و دعمك و تشجيعك، و أشكرك على سؤالك المهم.
من تجربتي في التعامل مع البنوك في مصر، من أفضل البنوك الموجودة في مصر في سهولة التعامل و خدمة العملاء هو بنك HSBC، كل اللي هاتحتاجه بإذن الله إنك تفتح حساب جاري و لما تطلع كارت الخصم المباشر (كارت السحب من مكنة الــATM) بيبقى هو نفسه كارت فيزا.
الكارت ده بيبقى نوعه Debit Card، و بيخصم مباشرة من حسابك بدون قروض ولا فوائد أو غرامات تأخير. الطبيعي إنه بيكون جاهز للدفع على الإنترنت مباشرة، بس إسأل الموظف وقت ملء النموذج إذا كان لازم تكتب كدة في النموذج ولا محتاج أي حاجة تاني من باب زيادة التأكيد.
لو عاوز تفتح حسابك مباشرة بالدولار علشان تستخدمه فقط لمشروع أمازون و تخرج من مشكلة تغير سعر الصرف، يكون أفضل.
حسابك هايبقى معاه إمكانية الدخول عليه من موقع الإنترنت بتاع البنك و تشوف العمليات و تعمل تحويلات كمان من عليه في المستقبل.
التكاليف المبدئية:
الأوراق المطلوبة:
و من أول يوم 15 نوفمبر 2017 عملوا إلغاء لكل القيود على الحد الأقصى للدفع بالعملة الأجنبية. بمعنى إنك ممكن باستخدام الفيزا اللي بتسحب بيها من الـATM، تدفع على الإنترنت أي مبلغ لحد أقصى رصيد متاح في حسابك.
و الأفضل إنك تتأكد وقت فتح الحساب من المعلومة دي علشان لو اتغيرت وقت ما هاتبدأ تاخد الإجراءات.
و بالتوفيق بإذن الله.