شارك
هل التجاره الالكترونيه تقدر تحقق معادله الاستقرار المادى لتكوين اسره وفتح 🏡
سؤال
الاول السلام عليكم عليك يا استاذى وعلى كل الى الناس المحترمه وباختصار شديد هل التجاره على امازون ممكن تكون هى شغلى الرئيسى والوحيد مع العلم انى انا ظابط ملاحه بحرى وكنت بشتغل على سبلاى خدمات بترول ولكن للاسف اصيبت بحادث على المركب والحمد الله ولكن انا الان فى مفترق الطرق هل اعود لهذا العمل الشاق الغير مستقر ولا ابدا فى الشغل على امازون واهتم بى واكبره واسف على الاطاله لكن اود ان اعرف ما هو السبب الحقيقي فى دعمك واهتمامك بينا على الرغم ان لم يوجد مقابل مادى بل بالعكس هو حمل وضغط عليك ولم يوجد استفاده هل حقا انت رجل تحب الناس فى الله دون اى مقابل فقط من اجل الخير وشكرا ليك تحياتى وتقديرى اليك
إعلان - برجاء مراعاة الله عز وجل في مشروعك وماتقدمه من محتوى على الإنترنت
إجابة ( 1 )
و عليكم السلام ورحمة الله وبركاته استاذ باسم. شكرا جزيلا على سؤالك الهام.
و الف سلامة عليك و يارب دايما في احسن صحة و حال.
الاعتماد على مشروع انترنت في حد ذاته و تنميته مع الوقت طبعا بإذن الله يمكنك الاعتماد عليه.
هو ببساطة زي أي مشروع على الأرض من حيث الاعتمادية، مع إزالة كل عوائق المشاريع العادية و إجراءاتها و تفاصيلها الغير مفيدة.
و إنك تعمل أمازون قناة من قنوات البيع في مشروعك ده شئ مهم جدا، لكن انك تعتمد عليه كأساس مشروعك فا ده لا انصح بيه، و عملت فيديو قريب في الموضوع ده.
لإن اساس مشروعك لازم يكون على موقعك الخاص، و اي حاجة تانية تبقى بتخدم عليه مش العكس.
بالنسبة لمساعدتي للناس، فأنا بصراحة بدأت لإني ماكنتش مبسوط بالمستوى اللي وصلناله كشباب من انعدام الطموح و التواكل دايما على الغير.
و غيرتي على شبابنا العربي بشكل عام لما باشوف الشباب في امريكا و حتت تانية بيسعوا ورا أحلامهم و بيعملوا براندات ضخمة من الصفر تقريبا.
و بما اني دراستي و شغلي و شغفي كله مشاريع الإنترنت فكان لازم استعين بالله و اعمل اللي حضرتك شايفه النهارده. و الحمد لله ربنا بيوفقني.
عارف أونلاين كلها مجانا و عارف اكاديمي فيها العضوية البرونزية مجانية لكل الناس اللي بتبدأ في المجال.
بالنسبة للناس اللي محتاجين تفرغ شبه كامل وقت مساعدتهم، وفرت خدمات مدفوعة من خلال عارف اكاديمي بجانب العضويات المدفوعة. لكن الناس اللي تقدر تستفيد من المحتوى المجاني و المنتديات فا كلها متاحة للمنفعة العامة.
بالتوفيق دائما ان شاء الله.