استفسار بخصوص نقل بيانات حساب امازون

أهلا بك في عارف أونلاينتصنيف: البيع على أمازوناستفسار بخصوص نقل بيانات حساب امازون
Kerlis Hanna asked سنة واحدة ago

مساء الفل يا كابتن شادى انا متابع المحتوى المحترم اللى بتقدمه على اليوتيوب وعلى وجه التحديد فى مجال الامازون ربنا يوفقك ويجازيك كل خير على المحتوى المحترم دة .. وكان عندى استفسار ضرورى بخصوص الامازون.
كنت مشارك حد فى امريكا على حساب أمريكى والحساب باسمه هو عليه منتج واحد من خمس الوان. وكنت حابب انقل كل بيانات الحساب على بيانات خاصة بيا فى مصر بما فيها اوراق الاثبات وحسابات البنك والايميل لان هو مش عايز يكمل فى البيزنس لانه ميعرفش عنه كتير فمش عايز يصرف فلوس تانى . وانا مش عايز اى حاجة تفضل رابطاه بالبيزنس علشان ميكونش فيه اى شئ يعمل صداع لاى طرف وحرام تعب شهور يضيع خاصة اننا وصلنا لتصنيف كويس وقدرت اجمع ١١رفيو والرات ٥ نجوم . ايه افضل حل متاح هل تاسيس شركة او هل تغيير البيانات ببياناتى انا متاح او انى افتح حساب من مصر ليا واحذف المنتج من عنده واحاول اضيفة على حسابى برقم ASIN المنتج مع العلم اننا اتواصلنا بخدمة العملاء وقالوا لازم لو هتغير بيانات تبقى لنفس الشخص مالك الحساب فا ايه افضل حل ولو فيه رقم تليفون لتواصل اسهل اكون شاكر.. وشكرا جزيلا

1 Answers
شادي العارف فريق العمل answered سنة واحدة ago

اهلا و سهلا استاذي العزيز.
شكرا على متابعتك و كلامك الجميل.
الحقيقة، أمازون واضحين بخصوص تغيير مالك الحساب، و الموضوع مشروح في الرابط ده:
https://sellercentral.amazon.com/gp/help/help.html/?itemID=G200506000&ref_=ls_G200506000_h_r0_cont_sgsearch
لكن الفكرة إنك مش عاوز حاجة تربط الشخص التاني بالحساب. طيب، سؤالي هو:
هل الشراكة دي كانت من خلال شركة أمريكية، و الشركة هي مالكة الحساب؟ ولا الحساب مفتوح ببياناته الشخصية فقط؟
هل الحساب مربوط بحساب بنك امريكي شخصي بتاعه هو ولا ايه نوع الحساب البنكي؟
ممكن الرد في تعليق على الإجابة دي، علشان أقدر اساعدك.

Kerlis Hanna replied سنة واحدة ago

للاسف الحساب مفتوح ببيانات شخصية ليه وحساب بنك شخصى فانا ببحثعلى افضل الحلول واقل الخسائر وخاصة انى ناوى اكمل فى المجال فمش عارف ايهما افضل هل لو نقل المنتج متاح افضل ولا نخلى امازون تجمع المنتج تانى من مخازنها وتبعتها لعنوان معين ولا ننزلها اوكشن وابدا من اول وجديد فى حساب خاص بيا ونحاول نعوض الخسارة فى غيرها .. وشكرا يا كوتش

شادي العارف فريق العمل replied سنة واحدة ago

طالما مفتوح بحساب شخصي يبقى موضوع نقل الملكية اصعب بكثير.
من وجهة نظري تتفق معاه انه يخرج فعليا من المشروع بس يديلك كل بيانات الحساب و حاول تغير بس بيانات حساب البنك لحساب بايونير أمريكي خاص بيك مؤقتا.
ثم في نفس الوقت من اول لحظة، تمشي في إجراءات إنشاء شركة أمريكية و فتح حساب بنكي بإسم الشركة سواء عن طريق سترايب اطلس، او تخلي حد مفوض عن الشركة يفتحهولك، او تروح بنفسك.
ثم تفتح حساب امازون جديد ببيانات الشركة.
بعد كدة تخش تمشئ منتج و تقول انك هاتبيع منتج موجود و تختار نفس منتجك و تكمل من هنا.
ممكن تشوف دروس و كورسات و تفاصيل اكثر بخصوص الشركة الامريكية و حساب امازون في عارف أكاديمي Arefacademy.com

Kerlis Hanna replied سنة واحدة ago

شكرا لسرعة الرد
وماذا بعد اضافة منتج موجود بالفعل هل يمكن قفل الحساب القديم او حذف المنتج القديم ام وجوده ايضا الزامى
انا عندى حسابين شخصيين فى بنكين امريكيين هل يمكن تحويل احدهم لبيزنس وربطه بالشركة .
وهل تاسيس شركة باسمى مش هيبقى فيه مشاكل بالنسبالى فى الدخول والخروج من امريكا فى المطار فى دايرة الهجرة والجوازات وخاصة انى بروح امريكا كل سنة بفيزا سياحية وشكرا جدا لوقتك واهتمامك واسف على الازعاج

شادي العارف فريق العمل replied سنة واحدة ago

المبدأ على أمازون إنك لو هاتبيع منتج موجود بالفعل لازم تختار نفس المنتج الموجود. و ممكن اكثر من بائع يبيعوا على نفس صفحة المنتج.
لو عندك ما يثبت إنك اللي مصنع المنتج أو مالك البراند مثلا أعتقد تقدر تسيطر على الصفحة و تقفل الحساب التاني بعد ما المخزون المربوط بيه يخلص.
أكيد انا ما مريتش بالسيناريو ده بالضبط، لكن ده الحل الطبيعي.
هو المفروض مايعملش مشكلة مع الفيزا بتاعتك طالما مش بتعمل حاجة على الأرض في أمريكا تخالف الفيزا بتاعتك.
و ممكن تعمل شركة Corporation في وايومينج، مش بيشترطوا الافصاح عن مالكي الشركة.
الموضوع متشعب، و انصحك بإنك تاخده خطوة خطوة.

Kerlis Hanna replied سنة واحدة ago

انا هفكر فى انى اجمع المنتج او انزله اوكشن لانه كدة هسيتنزف وقت ومجهود وهيبقى محفوف بالمخاطر
هابدا فى اجراءات فتح حساب جديد ليا لكن حضرتك بتفضل الحساب كشركة او ابدا كفرد وبعدين ابقى اعمل شركة على اسمى لتجنب زيادة المصاريف والوقت كبداية

شادي العارف فريق العمل replied سنة واحدة ago

أنا نصيحتي هي الشركة مش الفردي. لكن في كل الأحوال أكيد حضرتك عارف تعقيدات فتح حسابات جديدة سواء فردي أو شركة.
فا لو عاوز تجرب الفردي الأول توفيرا للفلوس، ولو مانفعش يبقى تجرب الشركة، القرار يرجع لحضرتك في الآخر.