الفرق بين انواع الشركات وهل يتم دفع ضرايب على خدمات زي الدروب شيبنج؟

أهلا بك في عارف أونلاينتصنيف: متنوع - أونلاين بزنسالفرق بين انواع الشركات وهل يتم دفع ضرايب على خدمات زي الدروب شيبنج؟
melazab asked أسبوع واحد ago

السلام عليكم في البدايه شكرا جدا ليك على كل المعلومات الي بتقدمها ربنا يبارك فيك
ثانيا انا عايز اسس شركة في امريكا ودورت على الانترنت ولقيت في نوعين من الشركات LLC والتانية Corporation بس مش قادر احدد ايه الفرق ما بينهم ولو انا شخص لواحدي ايه الافضل
ثالثا انا الموقع بتاعي بيبيع تيشرتات على الانترنت
انا بستقبل الطلبات من العملاء وبرسلها لشركة في أمريكا او في الصين هي بتطبع وبتبعت للعملاء الي موجودين في امريكا
فهل كده انا مفروض ادفع ضرايب ؟
ولو الترخيص في ولاية وايمونغ هتكون الضرايب قد ايه
شكرا جدا ليك

2 Answers
شادي العارف بالله answered أسبوع واحد ago

وعليكم السلام ورحمة الله وبركاته.
أهلا وسهلا بك وشكرا على متابعتك.
في البداية انصحك بتجنب الدروب شيبنج لأنه فيه مشلكة بيع مالا تملك، فالأفضل بإذن الله هو توجيه الزائر مباشرة لمواقع مثل تي سبرينج أو ميرش باي أمازون وتاخد عمولة من عملية البيع.
بالنسبة للتأسيس والتعامل مع الجهات الأمريكية والبيع في أمريكا فا نصيحتي بتكون دائما هي الشركة من نوع Close Corporation في ولاية وايومينج. ممكن تشوف كورس شركتك في أمريكا في Arefacademy.com بيتكلم في كل هذه التفاصيل.
الضرائب في حالة انك عندك شركة Close Corporation بتكون على صافي أرباحها من أي دخل وبتكون 21%. لكن في حالة LLC بتختلف حسب النشاط نفسه.
ممكن تلقي نظرة على الجدول التالي للحصول على فائدة أكبر:
https://www.irs.gov/individuals/international-taxpayers/nonresident-aliens-source-of-income
وبالنسبة لولاية وايومينج مفيش ضرائب على أرباح الشركة على مستوى الولاية، اللي بنهتم بيه في الحالة دي هو الضرائب الفيدرالية.
لو محتاج تضيف سؤال برجاء إرساله في تعليق على إجابتي.
بالتوفيق بإذن الله.
شادي العارف.

melazab answered أسبوع واحد ago

شكرا جدا ليك انا بشتغل مع شركات زي printfull  فهما بيطبعوا وبيرسلوا للعميل طيب في الحاله دي الضرايب الفدراليه بتكون 21 % على الارباح ؟

شادي العارف بالله replied أسبوع واحد ago

في الحالة دي اسمه بردو Drop shipping ولا أنصح به. والضريبة كما وضحت في إجابتي الأصلية.