توقعات ركود الاقتصاد العالمي

أهلا بك في عارف أونلاينتصنيف: البيع على أمازونتوقعات ركود الاقتصاد العالمي
karim rizc asked سنة واحدة ago

استاذ شادي 
شكرا دايما لوقتك و شرحك المفصل علي كل الاسئله
سؤالي ليك من وجهه نظرك ايه رايك في توقعات الركود الاقتصادي و مشاكل اميركا و الصين التجاريه الي داخلين عليها و ازاي ده حيأثر علي مشروع بيع علي امازون لو لسه حبدأ في المشروع 
لان في مخاوف كتيره من ركود في حركه بيع عالميا و خصوصا في اميركا 

1 Answers
شادي العارف فريق العمل answered سنة واحدة ago

شكرا لسؤالك.
الحقيقة من وجهة نظري الشخصية، الصين هي تنين صناعي ضخم بعمالة و مواد خام رخيصة جدا. و هي حاليا تعتبر تاني اقوى اقتصاد في العالم بإجمالي ناتج محلي حوالي ١٢ تريليون دولار بعد أمريكا اللي اجمالي الناتج المحلي بتاعها حوالي ١٩ تريليون دولار.
و بالتالي مهما حصل بينهم هاتفضل الشركات الأمريكية تعتمد على التصنيع في الصين علشان تعلي أرباحها، و أي زيادة في التعريفات الجمركية هايتحملها المستهلك الأمريكي و مهما حصل هاتبقى اقل تكلفة من التصنيع في أمريكا. 
مع الإخذ في الاعتبار كمان إن مستوى دخل الفرد في الصين اقل من ربع مستوى دخل الفرد في أمريكا و احتياجاته المعيشية و كدة.
مفيش سوق هايبطل يستهلك في الحالات الطبيعية اللي مفيهاش حروب او كوارث طبيعية، و الصين بتصدر كل حاجة للعالم كله مقابل أمريكا مفيش مقارنة.
فا من وجهة نظري كل الحركات اللي بيعملها ترامب دي من أساليب التفاوض بتاعت رجال الأعمال اللي من النوع ده، لكن وقت الجد بيتراجع.
و بردو هانشوف في المستقبل، دي مجرد وجهة نظر و الله وأعلم.