عدم الحاجة لدفع الضرائب بالنسبة لغير المقيمين في أمريكا

سؤال و جوابتصنيف: البيع على أمازونعدم الحاجة لدفع الضرائب بالنسبة لغير المقيمين في أمريكا
Khaled Mqd asked أسبوعين ago
شارك الفائدة مع أصدقائك
قم تقييم هذا المحتوى!
[الإجمالي: 0 المتوسط: 0]

السلام عليكم،
قرأت في أكثر من مكان أنه لو كان لديك شركة ولم تكن مشمولا داخل تصنيف ETBUS فإنك تكون معفي من الضرائب،
وتصنيف ETBUS ينطبق على شركتك في حالة كان لديك موظهين أو شركات تعمل بشكل حصري لخدمة شركتك أو بعض الشروط الأخرى،
وبحسب ما قرأت فإن البعض يعتبر أن البيع على أمازون بنظام FBA لا يعتبر من ضمن تصنيف ETBUS، وبالتالي فأنت معفي من الضرائب،
وهنا رابط لأحد المحامين الذين يذكرون هذا الكلام، ويقدمون خدمة المساعدة في استرجاع أموالك التي كنت قد دفعتها للضرائب

Non-US Amazon Sellers: Get your Money Back from the IRS


هذا أحدهم وهناك غيره.
أتمنى من الأستاذ شادي الإفادة في هذا الموضوع وشكرا.

1 Answers
شادي العارف فريق العمل answered أسبوعين ago
قم تقييم هذا المحتوى!
[الإجمالي: 1 المتوسط: 5]

السلام عليكم ورحمة الله وبركاته. 
شكرا لسؤالك استاذ خالد.
اولا و قبل كل شئ و كما وضحت في اكثر من موضع اني لست محامي ولا محاسب قانوني ولا خبير ضرائب، و كل نصائحي في هذا المجال من تجربتي الشخصية.
بالنسبة للشخص ده، كذا حد سألني عليه قبل كدة، و الحقيقة ان من أسلوبه في العرض و كون شركته غير اميريكية بل مسجلة في بيليز Belize و الله أعلم هل هو مقيم هناك ولا لأ.
و كمان في آخر كل مقالة بيعرض على الناس خدماته على الرغم من انه في بداية المقالة بيهاجم الناس اللي بتخالفه في الرأي متهمهم انهم عاوزين فلوس و خلاص … كل ده بيقلل مصداقيته هو و اللي بيتكلم زيه في الموضوع بالشكل ده.
ماينفعش نبني بزنس على وجهة نظر او تحليل في مدونة، وده اللي باقوله حتى في الكورس المجاني بتاعي.
المرجع الرئيسي هو موقع الIRS، و ارشحلك الروابط التالية، اللي بتؤكد أولا ان بيع مخزون في امريكا هو مصدر دخل أمريكي، و ان طالما ليك مصدر دخل امريكي يبقى لازم تقدم اقرار. لكن هل عليك ضرائب تدفعها او لأ، و نسبة الضرائب دي، ده بيختلف حسب النشاط و الكيان و سحب الأرباح و هكذا

شادي العارف فريق العمل replied أسبوعين ago

اضافة لما سبق، الرابط التالي بيتكلم عن وجهة النظر الأخرى اللي انا بأدعمها و المتوافقة مع كلام الIRS:
http://www.needacpa.com/tax/non-resident-alien-selling-on-amazon/

Khaled Mqd replied يوم واحد ago

شكرا لك أستاذ شادي،
طيب بالنسبة لو كان مجال الشركة غير أمازون، وهي منصة أونلاين والعملاء للشركة من خارج أمريكا

شادي العارف فريق العمل replied يوم واحد ago

كل حالة بتختلف، يعني لازم محاسب قانوني يشوف نشاط حضرتك بالضبط و يحدد اي نشاط مرتبط بمصدر دخل امريكي من عدمه.
لكن المفروض في حالة Corporation فهي منفصلة عنك ضريبيا و بالتالي كل نشاطها يحاسب ضريبيا.

Khaled Mqd replied 6 ساعات ago

أنا سؤالي بخصوص LLC وهل ممكن تدلني على محاسب ممكن يفيدني في هذا الموضوع، بحث فترة وما وجدت
شكرا.

شادي العارف فريق العمل replied 5 ساعات ago

فيه شخص أمريكي بيقدم خدمة المحاسبة و بيرشحه ناس كتير معروفة في مجال الأونلاين بزنس.
http://cpaonfire.com/services/