على اى بنك اتعامل علشان اضع الفلوس على امازون استاذ شادى ؟

أهلا بك في عارف أونلاينتصنيف: البيع على أمازونعلى اى بنك اتعامل علشان اضع الفلوس على امازون استاذ شادى ؟
1 Answers
شادي العارف فريق العمل answered سنتين ago

شكرا جزيلا لسؤالك المهم.
البيع على امازون محتاج دفع فلوس للمورد أو المصنع، و شركة الفحص، ووكيل الشحن،  و اخيرا أمازون. الحل الأمثل لكل دول هو التعامل بكارت البنك أو الخصم المباشر Debit Card، من أي بنك بيسمح فتح كارت الخصم للشراء من الانترنت. بلاش كروت الائتمان.
هاتحتاج كمان تفتح حساب PayPal مصر، و تربط كارت الخصم عليه.
طرق الدفع كالآتي:

  • بالنسبة للمورد هاتدفع قيمة العينات مباشرة عن طريق PayPal.
  • قيمة التصنيع او الOrder ها تدفع على موقع Alibaba.com بكارت الخصم المباشر.
  • شركة الفحص يا إما بكارت الخصم يا إما PayPal حسب الشركة
  • شركة الشحن بكارت الخصم.
  • و اخيرا أمازون، هاتسجل عليه كارت الخصم بس انت بتضبط الحساب بحيث يسحب تكاليف الاعلانات، و التغليف و الشحن للزبائن، و الاشتراك الشهري اللي هو ٣٩ دولار من رصيد مبيعاتك عندهم مش من كارت الخصم. 

يعني انت مش محتاج تستخدم بنك معين ولا تحول فلوس لأمازون.
بالتوفيق باذن الله.