أسئلة عن ألية البيع الإليكترونى

أهلا بك في عارف أونلاينتصنيف: متنوع - أونلاين بزنسأسئلة عن ألية البيع الإليكترونى
Tamer Abd-Elmohsen asked سنة واحدة ago

السلام عليكم عارف باشا ,

حلقة جميلة و مفيدة ما شاء الله و من نجاح لنجاح إن شاء الله , معلش عندى كام سؤال أتمنى لو تفيدنى فيهم :

1) سؤال بخصوص حلقة سابقة لكيفية إنشاء الشركات بأمريكا , هل أحتاج الحصول على EIN و ITIN  أم يكفى الحصول على EIN فقط ؟ و هل أتواصل مع الشركات التى تقوم بتسجيل LLC مثل ليجال زووم و غيرها بعد ما أحصل على EIN أو ITIN أم بعدها ( حيث أننى لاحظت أننى ممكن أوفر فلوس فى جزئية الحصول على EIN )
2) سؤال محيرنى شوية يا هندسة إيه هى الميزة الفعلية لفتح شركة أمريكية LLC بأمريكا و هل أحسن افتح شركة بمصر و لا شركة بأمريكا ؟ يهيألى الإثنين سوف يتيحون التسجيل بأمازون و شركة فى مصر هاتسهل تحويل الفلوس على حساب بنكى ( خصوصاً لو كمان عندى موقع ) عن طريق فتح حساب بمنصات دفع مثل (CHECK2OUT – PAYTABS أو غيرها ) الصراحة موضوع إتاحة الدفع بالفيزا لرواد الموقع و ربطه بحساب بنكى فى مصر ده عاملى مشكلة خصوصاً لو فتحت شركة بأمريكا عشان كدة فكرت إن أفتح الشركة فى مصر أفضل ( حتى لو سجل تجارى سهل مثل توريدات عمومية )
3) بالنسبة لحلقتك الجميلة هل سترايب مازال يعمل بدون SSN حيث أننى وجدت شكاوى أنه حتى مع وجود تسجيل شركات أصبحوا يطلبوا SSN
4) بالنسبة لباى بال أنا عامل حساب بايونير بإسمى و رابط حساب بايونير ده بحساب إتش إس بى سى فى مصر , بس للأسف باى بال مش راضى يربط مع بايونير حتى بعد ما بايونيير بعتولى حساب أمريكيى تانى للبنك الإجتماعى الفدرالى فهل فيه طريقة تانية لسحب الفلوس من باي بال
5) برضوا من الموضوعات اللى مخليانى متردد فى فتح شركة بأمريكا هو موضوع الضرائب و كيفية إحتسابها و هل لازم أكلف محاسب يبعت إقرار كل أخر سنة , الموضوع أننى ممكن مستقبلاً أسافر أمريكا و خايف لو تجاهلت موضوع الضرائب ده يعمل مشكلة و هل فيه ولايات مثلاً معفية من الضرائب ( أنا سمعت Wyoming جيدة )

شاكرين أفضالك يا هندسة و ربنا يجعل مجهودك معانا ده فى ميزان حساناتك

تحياتى
تامر محم

1 Answers
شادي العارف فريق العمل answered سنة واحدة ago

و عليكم السلام ورحمة الله وبركاته، شكرا جزيلا لك يا استاذ تامر.
١ – هاتحتاج ITIN لو قدمت اقرارك على نموذج 1040 الضريبي. اللي هو اقرار الضريبة الفيدرالي على دخل الفرد. و هاتدخل الEIN على النموذج المرفق معاه اللي بيبقى فيه الارباح و الخسائر و كدة. و هاتطلبهم بعد انشاء الشركة عادي.
نصيحتي هي طلب الITIN بالنموذج و ارساله بالبريد DHL مثلا، ثم طلب الEIN أونلاين.
٢ – الموضوع اللي في منتديات عارف أكاديمي في الرابط التالي هايفيدك جدا و قيه مشاركات كتير هاتلاقي فيها الإجابة بإذن الله. لكن اتاحة الفيزا على موقعك افضل من خلال ربط Stripe مع شركة أمريكية زي مانا قلت في الفيديو. ولا انصح ب2Checkout.
اضغط هنا لموضوع اهمية الشركة الأمريكية
٣ – هنا بتدخل ITIN وتوضح بالتواصل معاهم انك مالك غير امريكي لشركة أمريكية و تثبت هويتك بجواز السفر المصري. ده اللي انا عملته. 
٤ – جرب Transferwise. ولو حسابك مصري ممكن تربطه ببطاقة فيزا.
٥ – الضرائب الفيدرالية ممكن تقدمها بنفسك عادي طالما حساباتك مضبوطة على برنامج محاسبة كويس. و في الرابط التالي درس في عارف أكاديمي لاختيار الولاية
اضغط هنا لدرس اختيار الولاية
بالتوفيق دائما باذن الله 

Tamer Abd-Elmohsen replied سنة واحدة ago

تمام يا هنندسة شاكرين للإفادة , بس أنا عملت ال EIN بالفعل عن طريق الهاتف ظناً منى إن ممكن بال EIN فقط أن أتيح إمكانية الدفع على الموقع ( كانت خبرتى محدودة ) , فهل دلوقتى أطلب تغيير بيانات الEIN حيث أننى كنت مسجلها فقط بعنوان أراميكس و رقم هاتف إفتراضى , أم أقوم بعمل واحد عن طريق الحصول على ITIN ثم أقوم بعمل EIN جديد و طلب إلغاء الEIN الحالى
شاكرين تعاونك يا بشمهندس شادى

شادي العارف فريق العمل replied سنة واحدة ago

في البداية ممكن تستخدم الEIN فقط لفتح حساب مع Stripe ببيانات الشركة و قبول بطاقات الدفعوعلى موقعك.

لكن لو هاتقدم إقرار ضريبي هاتحتاج ITIN.

ممكن في اقرارك الضريبي القادم تحط عنوانك الجديد مع الEIN وهما هايعدلوه.