مشكلات سحب الأرباح من أمازون

سؤال و جوابتصنيف: البيع على أمازونمشكلات سحب الأرباح من أمازون
Mahmoud Rashwan asked 4 أسابيع ago

السلام عليكم أستاذ شادى و متابعيه الكرام
لو سمحت انا عندى أكونت على أمازون بالفعل و بدأت من فترة لكن واجهتنى مشكلة فى سحب الفلوس من حسابى على موقع Payoneer لحسابى البنكى هنا فى مصر
أنا عندى حساب هنا فى البنك العربى (ليس العربى الأفريقى) و حولت مبلغ صغير فى الأول (180) و اترفض من قبل البنك و أعادوه مرة أخرى لحساب Payoneer إن مفيش أى وثائق تثبت علاقتى بالشركة اللى متحول منها الفلوس مع العلم إن الحساب ده كان حساب بنكى كنت عامله من فترة لتحويل المرتب عليه من الشركة اللى كنت شغال فيها
فكنت بسأل حضرتك هل واجهت نفس المشكلة مسبقا أو أى من السادة المتابعين و لا دى مشكلة فى البنك ده بس
و لو حضرتك مكنتش بتواجه مشكلة هل كنت بتقدر تحول مبالغ كبيرة بسهولة على حسابك فى البنك اللى كنت فاتح فيه الحساب بتاعك
و ايه نصيحتك ليا علشان أحل المشكلة دى
و سؤال تانى معلش بخصوص تأسيس شركة فى أمريكا كنت عايز أعرف ده هيفرق معايا فى أيه بالظبط يعنى لو أسست شركة إيه هيا الفايدة اللى ممكن تعود عليا كبائع فى أمازون
و بعتذر للإطالة على حضرتك
و شكرا جزيلا 

1 Answers
شادي العارف فريق العمل answered 4 أسابيع ago

السلام عليكم ورحمة الله وبركاته
شكرا لسؤالك أستاذ محمود ولمتابعتك ودعمك.
نبدأ بنهاية السؤال، اول مزايا الشركة الأمريكية هو سهولة فتح حساب بنكي من خلال Mercury.com مرتبط بPayPal و Stripe وكلها ببيانات الشركة الأمريكية.
حساب Mercury.com هو حساب افضل من Payoneer، ويسمح بالسحب و الإيداع ويعطيك بطاقة بنكية للدفع بها بدون رسوم تذكر، الا في التحويل فقط، ٥ دولار رسوم تحويل داخل امريكا، و٢٠ دولار خارج امريكا مهما كان المبلغ.
ثانيا، فتح شركة امريكية يساعد في فتح حساب أمازون امريكي لكن مش ضمان ١٠٠% انه يفتح بسهولة.
ثالثا، نصيحتي في البنوك المصرية هي الاعتماد فقط على البنوك الدولية التي لديها فروع منتشرة في العالم،  مثل HSBC و CitiBank وهكذا. نادرا ماتحدث مشاكل من هذا النوع.
وأخيرا، بعد ماتفتح حساب Mercury ممكن تحول من Payoneer لحسابك في Mercury لحل مشكلة حجز الأموال حالياً.
تأسيس الشركة الأمريكية متاح من عارف اكاديمي  Arefacademy.com
تحياتي،
شادي العارف بالله