ما هى طرق و وسائل الدفع من قبل أمازون للبائعين و العكس  ؟!

سؤال و جوابتصنيف: البيع على أمازونما هى طرق و وسائل الدفع من قبل أمازون للبائعين و العكس  ؟!
Hesham Morsy asked 11 شهر ago

سلام عليكم  مساء الخير بشمهندس  اولا بالتوفيق و الجزاء الصالح لك من الله بخصوص حلقة اليوم على اليوتيوب و هسجل تعليقى عليها دلوقت بعد ما أسال سؤالى مباشرة  و سؤالي هو ما هى طرق و وسائل الدفع من قبل أمازون للبائعين و العكس  ؟!

Hesham Morsy replied 11 شهر ago

انا دخلت على الأكاديمية و للأسف الدرس اللى حضرتك تقصده بتاريخ ٢٨ نوفمبر مش بيفتح عندى بأى صيغه أما درس امازون شوفته من قبل و أبديت رأيي فيه من قبل لو انا مخطأ صححنى و لك جزيل الشكر

شادي العارف فريق العمل replied 11 شهر ago

تم الرد في الأكاديمية.
شكرا جزيلا

1 Answers
شادي العارف فريق العمل answered 11 شهر ago

شكرا جزيلا يا استاذ هشام على سؤالك و كلامك الطيب.
حضرتك بتستخدم بايونير في استلام الأموال من أمازون و من بايونير لحساب البنك الخاص بك في مصر. و بتدفع عن طريق الـDebit Card بتاعتك اللي بتاخدها من البنك مع حسابك و بتسحب منها من اي مكنة سحب فلوس في الشارع.
بإذن الله الحلقة رقم 8 من سلسلة بيع على أمازون هاتبقى عن وسائل الدفع و الاستلام في مشروع أمازون و معاها فيديو شرح عملي.

Hesham Morsy replied 11 شهر ago

أنا مش بعدى أو بفوتلك حلقة و بدعيلك ربنا معاك و يقويك
لكن فى نقطة هل البنك فى مصر هيقبل أى إستقبال مبالغ من أمازون و لو قبل أكيد الحساب فى بنك مصر هنا له شروط و إيه الشروط دى؟
و هل حساب بايونير لازم اعمله بصفه امريكية أو اوروبية ؟! انا مش حابب أعمل أى حاجة غير بصفة مصرى فقط فى كل حاجة

شادي العارف فريق العمل replied 11 شهر ago

ربنا يخليك يا استاذ هشام و يكرمك على دعمك المستمر.
كل بنك ليه قواعد معينة لكن التحويلات بشكل عام المفروض إنها تمشي عادي. أحيانا في بنوك بتتصل بالعميل لو حصل تحويل من أو إلى الحساب من بره مصر للمرة الأولى و كمان لو حصل عملية دفع على الإنترنت للمرة الأولى بعد كدة عادي. علشان كدة سؤالك لما تتصل ببنك مصر يكون “هل في مشكلة أو إجراءات لازم اعملها قبل ما حد يحول لي فلوس من بره مصر؟” بس كدة.

حساب بايونير هاتعمله بكل بياناتك المصرية من أول العنوان للرقم القومي لحسابك البنكي في مصر. و لما بتعمل الحساب بتاخد منهم رقم حساب أمريكي بالدولار.
الشرح العملي بالتفصيل هايبقى في الفيديو العملي بتاع الحلقة 8 بإذن الله علشان تشوف الدنيا من جوه شكلها إيه.

شادي العارف فريق العمل replied 11 شهر ago

بس أنا لسة منتظر اشتراكك في الأكاديمية. لسة فيها درس واحد بس عاوز رأيك بردو مهم جدا.

Hesham Morsy replied 11 شهر ago

إختصارك فى صيغة السؤال ممتاز و هو ده اللى انا كنت اقصده بالتحديد لأنك فهمتنى انا اقصد إيه لأن سياسات البنوك بتختلف زى ما حضرتك عارف و فاهم و ده اللى يهمنى عشان مش يحصل إصطتدام بعد كده فى الجزئية دى و اكون وصلت فى مراحل متقدمه نحو تنفيذ هدفى المرجو
اما بخصوص الأكاديمية ياريت انا اتمنى الإشتراك فيها و هحاول دلوقت أشترك فيها و لو انا معرفتش أشترك فيها هقول لحضرتك لكن سيبنى أحاول ✋😊

شادي العارف فريق العمل replied 11 شهر ago

تمام. بالتوفيق إن شاء الله
و بإذن الله أنا معاك في أي أسئلة.

Hesham Morsy replied 11 شهر ago

حاولت بشمهندس لكن مش لاقى كلمة أكاديمية فى القائمة نهائى
الأمر لله قولى ياسيدى ✋😊

شادي العارف فريق العمل replied 11 شهر ago

ولا يهمك 🙂
أدخل مباشرة على https://arefacademy.com
و هاتلاقي معمل عارف أونلاين و ممكن تشترك في العضوية البرونزية من القائمة أو في الصفحة الرئيسية.

Hesham Morsy replied 11 شهر ago

تمام معمل عارف اون لاين فى القائمة فعلا لكن انا آسف فكرتك تقصد حاجة تانية

شادي العارف فريق العمل replied 11 شهر ago

ولا يهمك. لو لسة في مشاكل في الاشتراك هناك قول لي.

Hesham Morsy replied 11 شهر ago

لا تمام 👍
شكرا لحضرتك
تم الإشتراك بنجاح ✋😊🌹