وسائل السوشيال ميديا و دورها فى الإستعداد للتجارة على امازون

أهلا بك في عارف أونلاينتصنيف: متنوع - أونلاين بزنسوسائل السوشيال ميديا و دورها فى الإستعداد للتجارة على امازون
Hesham Morsy asked سنتين ago

أنا بأصمم عدة حسابات الكترونية كوسائل او كقاعدة للتسويق منتجات على أمازون فيما بعد  و أحياناً بتطلب منى بعض تلك الحسابات تحديد ما إذا كان الحساب الذى اقوم بفتحه هو شخصى أو شركة زى الأنستيجرام و غيره 
هل الصح إنى أعمله من البداية شركة و لا شخصى و بعد كده اقوم بتحويله لشركة و لو عملته كحساب شركة بيفرض عليه إيه ؟! و إيه مميزاته و أضراره او عواقبه و يلزمه إيه لو معملتوش شخصى ؟

1 Answers
شادي العارف فريق العمل answered سنتين ago

 
 
شكرا لسؤالك استاذ هشام.
أنا دايما بأشجع على الاحترافية في الشغل و فصل الحسابات الشخصية عن حسابات البزنس من اول حسابات البنوك لحد السوشيال ميديا.
اي حساب هاتعمله لتسويق منتجات او لشركة الافضل من اول يوم انه يكون حساب بزنس. و اي موقع من مواقع السوشيال ميديا بيدي حسابات البزنس وسائل اكتر في التسويق و تحليل البيانات و تحكم اكتر و هكذا.
لو عاوز تفصيل اكتر ياريت تحدد بالضبط نوع الحساب او موقع السوشيال ميديا اللي محتاج معلومات عنه.

Hesham Morsy replied سنتين ago

أنستجرام

شادي العارف فريق العمل replied سنتين ago

لو لسة بتبدأ يبقى خليه بزنس بدون تفكير. لإنك هاتحتاج تعمل اعلانات و تروج المشاركات و تشوف البيانات التفصيلية للتفاعل مع حسابك من خلال الجمهور.

المفروض انك تبقى عامل صفحة فيسبوك للبزنس و تكون أدمن عليها علشان تربطها بالانستجرام لما تعمله حساب بزنس.

الخوف الوحيد ان الوصول للجمهور على حسابك بعد كدة يبقى صعب زي الفيسبوك، بس كدة كدة لو بتبدأ بدون جمهور و محتاج تعمل الحساب للتسويق يبقى حساب البزنس هو الحل الأمثل.

اللي ممكن يخاف هو حد عنده متابعين كتير جدا و بيشوفوا مشاركاته بسهولة، ولو حول بزنس الوصول ده درجته هاتقل، لأن شركة فيسبوك اللي تحتها انستجرام عاوزة فلوس من الاخر و هاتبقى عاوزة تجبرك انك تدفع علشان توصل مشاركاتك.

Hesham Morsy replied سنتين ago

طيب حساب أنستجرام البزنس متطلباته الماديه إيه بعد كده؟
هل بيطلب فلوس للترويج ؟ و لو بيطلب بيحسبوها إزاى ؟

شادي العارف فريق العمل replied سنتين ago

حساب انستجرام البزنس نفسه مجاني، و علشان تروج باعلانات مدفوعة اكيد بتدفع فلوس. نفس الكلام زي اعلانات الفيسبوك.
لأنك اصلا بتعمل إعلانك من جوه الAds Manager بتاع الفيسبوك.

التكلفة بتبقى حسب معايير الاستهداف بتاعتك زي الفئة العمرية و النوع و الموقع الجغرافي و الاهتمامات بتختلف على حسب. و تتحاسب بالنقرة clicks أو عدد المشاهدات impressions.

Hesham Morsy replied سنتين ago

تمام
طيب لو محتاج أعمل حساب باى بال مصرى و بايونير مصرى عشان مش أتعرض بعد كده لمراجعة البيانات و يتم تجميد الحساب و المطالبة بتأكيد هوية صاحب الحساب ببطاقة رقم قومى باللغة الإنجليزية او الباسبور ..
إيه وجه الضرر اللى هيجي عليه لو معملتوش اوروبى او امريكى و عملته من البداية مصرى ؟

شادي العارف فريق العمل replied سنتين ago

اسف يا استاذ هشام على التأخر في الرد.
لو معندكش شركة في أمريكا وورق رسمي بيقول انك ليك مقر في أمريكا يبقى الحل الوحيد هو حسابات مصرية. ده الصح و الاكثر أمان.
ولو ماعملتش أوروبي أو أمريكي مفيش أي مشكلة. الطرق بس بتتغير.
يعني مثلا لو عندك شركة في أمريكا تقدر تعمل باي بال بزنس في أمريكا بعنوان الشركة، و لو عندك حساب بنك في امريكا تقدر تستلم كل فلوسك عليه بسهولة. طب ماعندناش ايه الحل؟
الحل انك بدل حساب البنك الأمريكي تستسلم على بايونير المصري و ده تمام مفيهوش اي مشكلة و هاتربط عليه حساب البنك بتاع مصر.
و علشان تدفع لبعض الجهات هاتعمل حساب باي بال مصري و تربط الفيزا كارد بتاعتك عليه، بردو ده مفيهوش أي مشاكل بإذن الله.
ماتقلقش.

Hesham Morsy replied سنتين ago

ولا يهمك يا إستاذ إنت ترد فى الوقت اللى يناسبك و أنا مقدر غلو وقتك و أهميته 😊🌹👍

شادي العارف فريق العمل replied سنتين ago

شكرا يا استاذ هشام. ده من ذوقك و الله.
لو السؤال كدة تمام. ياريت تختار “تم الحل” و بعد كدة نفتح سؤال جديد لتنظيم المعلومات.
شكرا جزيلا.

Hesham Morsy replied سنتين ago

كويس إنك للفت نظرى للجزئية دى و مفيش مانع فى أى وقت و فى اى مكان توضح ليه اللى انا أجهله بحيث يكون العمل منظم
و كمان لو ياريت توفر كلمة او اوبشن كلمة تم الحل فى الصفحة اللى انا بكتب فيها ردى على تعليقك دلوقت أفضل ما اخرج من الصفحة دى و اشوف كلمة تم الحل دى فى صفحة تانية او مكان تانى و شكرا لحضرتك عالإجابة و التوضيح و التنظيم

شادي العارف فريق العمل replied سنتين ago

هي تم الحل موجودة فعلا فوق تحت سؤالك الاول بالضبط. هاتختار بدل “مفتوح” تختار “تم الحل”.
و شكرا على تعاونك. انا هاعمل السؤال ده محلول للتسهيل

Hesham Morsy replied سنتين ago

هى فعلا لقيتها موجودة و إيدى جات عليها من يومين تقريبا لكن مش فهمتها
معلش إعذرنى لجهلى بالتعامل مع المواقع أخويه و تأكد إن كل مرة هكون حريص على تنفيذها وقت ما يكون سياق السؤال إنت جاوبت عليه
و شكرا ليك شادى

شادي العارف فريق العمل replied سنتين ago

العفو يا استاذ هشام. يوم سعيد باذن الله

Hesham Morsy replied سنتين ago

يومك جميل زى أخلاقك و أبيض زى قلبك 🌹