ما هى أهمية طلب حساب بايونير عند التسجيل مطالبته بحساب بنكي محلي ؟
و هل يمكن السحب من ماستر كارد بايونير من أى ATM موجوده فى أى مكان ؟
ودون تحويل النقود من حساب بايونير إلى الحساب البنكي المحلى ؟
شكرا لسؤالك استاذ هشام.
اهمية الربط ليهم التأكد من بياناتك و انك ليك حساب بنكي. و اهميته ليك انك هاتحول عليه اي رصيد ليك عندهم. ممكن تضيف اكتر من حساب بنكي بعد كدة تحول عليهم حسب احتياجك من رصيدك في بايونير.
الكارد بتاعهم تقدر تسحب بيه من اي مكنة عليها شعار ماستر كارد. بس عيبها ان تكلفتها عالية في كل مرة سحب او حتى لو هاتدفع بيها في اي محل غير الرسوم الدورية.
اللينك ده فيه معلومات تفيدك: https://payoneer-arabic.custhelp.com/app/answers/detail/a_id/12878/~/ما-هي-رسوم-استخدام-بطاقة-بايونير-للسحب-من-ماكنات-الصرف-الالي؟
و باذن الله الحلقة رقم ٨ من سلسلة بيع على امازون باشرح فيها باي بال و بايونير و معاهم درس عملي في الاكاديمية باذن الله.
حلقة رقم ٨ دى انا مستنيها بشوق الأم اللى مستنيه طفل الأنابيب ✋😂
طب إبعتلي النجاتيڤ طيب و أنا مش هقول لحد 👆😂
هههههه. ده شرف ليا و الله متابعة و انتظار حضرتك للمحتوى اللي انا باقدمه. و يارب دايما اكون عند حسن ظنك 🙂
صدقنى بدون مجاملة حضرتك بتقدم محتوى ذو خبرة عالية جدا و مميزة و كلها مصدقاية عن اى حد موجود على الساحة و إن شاء الله تأسيسك الصح ده و اللى انا شايفه و متابعه عنك صدقنى هيكبر بشكل لا تتوقعه لكن الصبر
لكن فى سؤال حضر فى ذهنى دلوقت هل تحويل المبالغ من بايونير لحسابي البنكى البنك مش بيعترض عليه و تكثر الأسئلة و الإستجوابات و لا سياسات البنوك دلوقت إختلفت بهذا الشأن ؟
شكرا يا استاذ هشام على تشجيعك و دعمك المستمر. ربنا يكرمك و كل سنة و انت طيب و سنة سعيدة عليك.
الحمد لله انا حولت مرات عديدة من حساب بايونير و محصلش اي مشاكل ولا اي استفسارات.
كل سنة و حضرتك طيب
سنة جديدة سعيدة عليك و على اسرتك و كل حبايبك إن شاء الله 😊
لكن ياريت كل البنوك تكون كده لأن لقيت خدمة العملاء فى البنك اللى ذكرته لك قبل سابق مش حلوة و دى تجربة شخصية عن نفسى و للأسف مش موجود ليهم فرع بطنطا و كان ليهم واحد زمان و قفل
و شكرا لذوقك