العمل على أمازون الإمارات

السلام عليكم ورحمة الله وبركاته، شكرا لدعواتك و لسؤالك اخي العزيز.
بالنسبة لأمازون الإمارات حضرتك عارف إنه تم فتحه رسميا في مايو ٢٠١٩، يعني من حوالي شهرين بالضبط.

فا ماحد عنده الخبرة الكافية إنه يعطي معلومات مفيدة في هذا الموضوع حتى الآن.

لكن خليني أجاوب على أسئلتك من خلال خبرتي و معلوماتي الحالية:
١ – خاصية البيع حول العالم متاحة من Amazon.com الخاص بأمريكا. لكن غير كدة كل دولة أو منطقة جغرافية بتخدم المنطقة بتاعتها. ممكن ترجع لحلقة إزاي تبيع حول العالم في سلسلة بيع على أمازون.
٢ – المفروض إن دي حاجة ترجع لقوانين دولة الإمارات إذا كانت بتسمح أو لأ بممارسة نشاط تجاري بدون وجود شركة أو تراخيص مثلا. بالأسفل متطلبات فتح الحساب من موقعهم:

Prepare your details

• Your display name which is the name which will be shown to buyers
• Legal name or name the business is registered under
• The physical address of your business
• Bank account details where to deposit your payments
• Valid phone number
• Trade License or proof of identification: Residents (Emirates ID), Non-residents (Passport, Driving license…)

٣ – المفروض البرنامج واحد من حيث الإعلانات و صفحة المنتج، و البار كود ده رقم عالمي للمنتج Universal Product Code. لكن المعلومة الأكيدة اذا كان في اختلاف ولا لأ لسة مش عندي.
٤ – المفروض كل إجراءات خروج المنتج من الصين واحدة، لكن دخولها الإمارات حضرتك هاتحتاج ترجع للجمارك في الإمارات لتجنب أي مشاكل.

٥ – لسة ماحدش عنده خبرة كافية.
٦ – الإمارات من باب التجربة بسلع جملة موجودة فعلا في الإمارات، ثم أمريكا للربح الأكبر و كمية الخبرات و المعلومات المتاحة.
٧ – الحقيقة لسة، بس Jungle Scout كاتبين مقال مهم في موضوع توسع أمازون في الشرق الأوسط هنا: https://www.junglescout.com/blog/amazon-middle-east/
٨ – زي ما شرحت في موضوع الخطة و رأس المال إن كل جمهور مختلف مش بس بين أمريكا و الإمارات،  لا كمان جوه أمريكا نفسها الاهتمامات مختلفة و لازم تعمل خطة صح علشان تفهم السوق قبل دخوله.
بالتوفيق ان شاء الله