Tamer asked 5 سنوات ago
السلام عليكم استاذ شادى
لقد قمت بالفعل باستخراج رقم ein عن طريق الهاتف و التسجيل بعنوان و هاتف shop & ship سؤالى معلش منحصر فى جزأين :
الجزء الأول : هل يمكن الإستغناء عن مكتب الخدمات و التعامل مع IRS مباشرة للحصول على باقى متطلبات إنشاء شركة مثل (ITIN) أم أنه يجي التعامل مع تلك الشركات و أن يكون لى وكيل هناك , مع العلم أن حسابى البنك مع بايونير
الجزء الثانى : نظراً لأننى قمت بتسجيل عنوان إفتراضى تابع لأرلمكس فأوراق تسجيل الEIN لم تصلنى , قهل من الممكن تغيير عنوانى المسجل للEIN بعنوان جديد لمقدم الخدمة الذى تفضلت و رشحته بالفيديو و هل ستقوم IRS باعادة ارسال المستند لذلك العنوان الجديد .
شاكرين تعاونك يا بشمهندس و كل عام و انتم بخير
تحياتى
تامر محمد
شادي فريق العمل answered 5 سنوات ago
و عليكم السلام ورحمة الله وبركاته.
اهلا وسهلا بيك و شكرا لسؤالك يا أستاذ تامر.
بالنسبة للجزء الأول: الحقيقة أنا طلبت الITIN بتاعي من IRS عن طريق نموذج W-7 و بعته بDHL للعنوان بتاعهم ثم لما وصلني على عنواني هناك عملتله Scan و اخدت الرقم طلبت بيه اونلاين رقم EIN للشركة و اخدته على طول بدون اي تدخل من مقدم خدمة او شركة بتعمل إنشاء للشركات.
لكن استخدمت شركة Bizfiling وقت انشاء شركتي و تسجيلها بكل بياناتها مع ولاية فلوريدا علشان اتجنب اي تعقيدات او تأخيرات بسبب عدم وجودي هناك.
بالنسبة لموضوع الوكيل، لازم اي حد مش متواجد هناك يتعاقد مع شركة على خدمة وكيل مسجل Registered Agent في الولاية و ده شغلته يستلم بالنيابة عنك اي مراسلات حكومية او قانونية مهمة.
الجزء الثاني: انا مانصحش بأرامكس لإن على حد علمي انهم بيدولك رقم صندوق بريد مش عنوان حقيقي. و عند انشاء شركة لازم يكون عنوان حقيقي، ده من شروط انشاء الشركة يكون Physical Address مش P.O. Box Number.
ده غير ان شركات العناوين و تحويل البريد الأمريكية عندهم خدمات افضل و مخصصة اكثر لاصحاب الشركات، مش هدفهم يبقوا شركات شحن بس زي أرامكس.
بعد ماتغير عنوانك فيه طرق كتير تخطر بيها الIRS موجودة في الرابط التالي:
https://www.irs.gov/faqs/irs-procedures/address-changes/address-changes
بالتوفيق دائما باذن الله، و كل عام و أنتم بخير
هام جداً: تم عمل كورس خاص بهذا الموضوع لتحديث و تصحيح بعض المعلومات الهامة، التنويه موجود في هذا الفيديو: https://youtu.be/uuiWGAWSYtw