لوسمحت أنا خريجة تربيه انجليزي و بحب اللغه الانجليزيه جدا و شاطره فيها بس مش بعرف أتكلم انجليزي زي الاجانب يعني بس هي دي مشكلتي فيها و أنا بشتغل في حضانه و عايزه أزود دخلي و عايزه أعمل قناه ع اليوتيوب بس من غير تكلفه لأني مش عارفه هتنجح و لا لأ بس أنا مش عارفه المحتوى هيكون إيه و أبدأ منين يعني عايزه موضوع أقدر أعمل منه فيديوهات كتير . أرجو المساعده ضروري و شكرا لحضرتك
شادي فريق العمل answered 5 سنوات ago
تمام. طيب مبدئيا عمل قناة على يوتيوب مش محتاج تكاليف. كل اللي هاتحتاجيه موبايل و اضاءة كويسة. انما المهم لنجاح اي مشروع على الإنترنت هو تشوفي مين عنده مشكلة، و ايه المهارة اللي عندك، اللي تقدري تقدمي بيها حل المشكلة دي.
يعني السوق او الجمهور، و الاحتياج ثم المنتج أو المحتوى بتاعك.
ابدأي الاول في الحاجات دي هاتعرفي الموضوعات هاتبقى ايه. خطة الصفحة الواحدة ممكن تنزليها هاتساعدك كتير. اللغة الانجليزية ممكن تساعدك لو الجمهور بتاعك بره مصر. و مش مهم اللهجة في البداية المهم جودة المحتوى.