عدم الحاجة لدفع الضرائب بالنسبة لغير المقيمين في أمريكا

أهلا بك في عارف أونلاينتصنيف: البيع على أمازونعدم الحاجة لدفع الضرائب بالنسبة لغير المقيمين في أمريكا
Khaled asked 4 سنوات ago

السلام عليكم،
قرأت في أكثر من مكان أنه لو كان لديك شركة ولم تكن مشمولا داخل تصنيف ETBUS فإنك تكون معفي من الضرائب،
وتصنيف ETBUS ينطبق على شركتك في حالة كان لديك موظهين أو شركات تعمل بشكل حصري لخدمة شركتك أو بعض الشروط الأخرى،
وبحسب ما قرأت فإن البعض يعتبر أن البيع على أمازون بنظام FBA لا يعتبر من ضمن تصنيف ETBUS، وبالتالي فأنت معفي من الضرائب،
وهنا رابط لأحد المحامين الذين يذكرون هذا الكلام، ويقدمون خدمة المساعدة في استرجاع أموالك التي كنت قد دفعتها للضرائب

Non-US Amazon Sellers: Get your Money Back from the IRS


هذا أحدهم وهناك غيره.
أتمنى من الأستاذ شادي الإفادة في هذا الموضوع وشكرا.

شارك الفائدة مع أصدقائك
1 Answers
شادي فريق العمل answered 4 سنوات ago

السلام عليكم ورحمة الله وبركاته. 
شكرا لسؤالك استاذ خالد.
اولا و قبل كل شئ و كما وضحت في اكثر من موضع اني لست محامي ولا محاسب قانوني ولا خبير ضرائب، و كل نصائحي في هذا المجال من تجربتي الشخصية.
بالنسبة للشخص ده، كذا حد سألني عليه قبل كدة، و الحقيقة ان من أسلوبه في العرض و كون شركته غير اميريكية بل مسجلة في بيليز Belize و الله أعلم هل هو مقيم هناك ولا لأ.
و كمان في آخر كل مقالة بيعرض على الناس خدماته على الرغم من انه في بداية المقالة بيهاجم الناس اللي بتخالفه في الرأي متهمهم انهم عاوزين فلوس و خلاص … كل ده بيقلل مصداقيته هو و اللي بيتكلم زيه في الموضوع بالشكل ده.
ماينفعش نبني بزنس على وجهة نظر او تحليل في مدونة، وده اللي باقوله حتى في الكورس المجاني بتاعي.
المرجع الرئيسي هو موقع الIRS، و ارشحلك الروابط التالية، اللي بتؤكد أولا ان بيع مخزون في امريكا هو مصدر دخل أمريكي، و ان طالما ليك مصدر دخل امريكي يبقى لازم تقدم اقرار. لكن هل عليك ضرائب تدفعها او لأ، و نسبة الضرائب دي، ده بيختلف حسب النشاط و الكيان و سحب الأرباح و هكذا

شادي فريق العمل replied 4 سنوات ago

اضافة لما سبق، الرابط التالي بيتكلم عن وجهة النظر الأخرى اللي انا بأدعمها و المتوافقة مع كلام الIRS:
http://www.needacpa.com/tax/non-resident-alien-selling-on-amazon/

Khaled replied 4 سنوات ago

شكرا لك أستاذ شادي،
طيب بالنسبة لو كان مجال الشركة غير أمازون، وهي منصة أونلاين والعملاء للشركة من خارج أمريكا

شادي فريق العمل replied 4 سنوات ago

كل حالة بتختلف، يعني لازم محاسب قانوني يشوف نشاط حضرتك بالضبط و يحدد اي نشاط مرتبط بمصدر دخل امريكي من عدمه.
لكن المفروض في حالة Corporation فهي منفصلة عنك ضريبيا و بالتالي كل نشاطها يحاسب ضريبيا.

Khaled replied 4 سنوات ago

أنا سؤالي بخصوص LLC وهل ممكن تدلني على محاسب ممكن يفيدني في هذا الموضوع، بحث فترة وما وجدت
شكرا.

شادي فريق العمل replied 4 سنوات ago

فيه شخص أمريكي بيقدم خدمة المحاسبة و بيرشحه ناس كتير معروفة في مجال الأونلاين بزنس.
http://cpaonfire.com/services/

Khaled replied 4 سنوات ago

أستاذ شادي أنا حجزت اجتماع للاستشارة مع شركة Mata & Baker Tax Consultants, P.A، وقالوا أنه يجب علي تعبئة نموذج 5472 فقط وهو يبين التعاملات المالية بيني وبين الشركة الخاصة بي، ولا يجب علي تعبئة أي نموذج آخر. ولا يجب علي دفع ضرائب للحكومة الأمريكية.
أحب أن أعرف رأيك
هذا رابط موقعهم
mbtaxconsultants.com
وهذه صفحتهم على اليوتيوب
https://www.youtube.com/channel/UCtp1pa_mP3Kqup5lTHvXHkA

شادي فريق العمل replied 4 سنوات ago

بالنسبة لجزء عدم تعبئة نموذج آخر فهذا أمر مشكوك فيه، لإنك لازم تقدم تقرير بكل دخل الشركة من مصادر أمريكية، طالما عندك شركة أمريكية.
الاستثناء المؤكد هو إن حضرتك تكون أجنبي بدون شركة أمريكية و مصدر دخلك كله من مكان إما زي Upwork مثلا وساعتها بتقدم تموذج لتأكيد إنك أجنبي وكل عملك بيتنفذ خارج أمريكا وفي الحالة دي مفيش عليك التزامات ضريبية تجاه أمريكا، أو زي Amazon وفي الحالة دي بيتخصم الضريبة من المنبع و بردو مفيش التزامات ضريبية عليك.
و أنصحك دايما ترجع للمصدر الأصلي وهو موقع الضرائب الأمريكية، وتشوف الصفحة التالية:
https://www.irs.gov/individuals/international-taxpayers/taxation-of-nonresident-aliens
و بردو زي ما بأقول دائما، أنا لست محامي ولا محاسب قانوني، وكل خبرتي في مجال الضرائب و الحسابات من اجتهادي الشخصي.

Khaled replied 4 سنوات ago

شكرا لك

شادي فريق العمل replied 4 سنوات ago

عفوا. تحت أمر حضرتك في اي وقت استاذ خالد.