karim asked 5 سنوات ago
استاذ شادي
كيف حالك
عندي سؤال لو تكرمت عن فتح حساب بنكي امريكي للشركه الامريكيه
انا لقيت ناس دي بيقدمو الخدمه دي ممكن تبص بصه كده و تقولي رأيك https://delawareagency.com/usa-bank-account-from-abroad/
تاني حاجه ممكن افتح حساب علي transferwise و يتقبل في امازون لو جبت مستند منهم بتفاصيل حساب و اسك شركه ؟
شادي فريق العمل answered 5 سنوات ago
شكرا لسؤالك أستاذ كريم. أنا الحمد لله بخير.
بخصوص الموقع المذكور أنا دخلته و بحثت فيه وعندي الملاحظات التالية:
- سعر الباقة All In اللي فيها فتح الحساب البنكي مرتفع جدا 8455 دولار أمريكي. أنا نصيحتي توفر المبلغ و تروح بنفسك بأقل من نصف المبلغ ده، تغير جو و تعمل سياحة في أمريكا و تفتح حساب شركتك بنفسك. بأتكلم جد على فكرة مش هزار.
- الموقع مش موضح في الباقة إزاي بالضبط هايفتحوا الحساب البنكي بدون الشرط الأساسي الخاص بالـPatriot Act وهو التواجد بشكل فعلي، سواء من أصحاب الشركة أو من أشخاص مفوضين رسميا من خلال الشركة Power of Attorney. و بعد مادورت في التعليقات، لقيت الأدمن رد في تعليق إنه هايحتاج Power of Attorney و ممكن يحتاج أوراق تانية. في عندي شوية ريبة منهم.
- المقالة من 2017 و ماحدش في التعليقات قال إنهم قدروا فعلا يساعدوهم و فتحوا البنك من باب الشكر. حتى مفيش تعليق Fake يعني. 🙂
- فيه Reviews قليلة بس كويسة على موقع Better Business Bureau في اللينك ده https://www.bbb.org/us/de/new-castle/profile/incorporation/social-enterprises-0251-92006061/customer-reviews
- موقعهم قديم و مش احترافي، مش عارف هل ده معناه إنهم شركة صغيرة في أمريكا أو مش متواجدين أصلا في أمريكا و شوية ناس بس بتساعدهم فريلانس كدة عن بعد. مش متأكد.
- لو الشركة دي جادة و الخدمة فعلا حقيقية، فا الموضوع ده كويس أوي و هايفتح مجال لناس كتير مش هاتعرف تسافر أمريكا ولا عندهم حد هناك موثوق فيه يساعدهم في فتح الحساب.
بالنسبة لــTransferwise، أمازون المفروض بيقبل إرسال الفلوس عليه و على Payoneer لكن أمازون بحالات. علشان كدة خلي عندك بدائل دائما.
لكن لو عاوزهم لإثبات الهوية، فا دي مش حسابات بنكية حقيقية خاصة بشركتك. استخدامهم في اثبات الهوية مش حاجة مضمونة من وجهة نظري.
بالتوفيق.
karim answered 5 سنوات ago
استاذ شادي
شكرا جدا علي شرحك و التفاصيل الكتير الي بتقولها
جراك الله كل خير
للعلم بالشيء انا دورت تاني في نفس الموضوع و لقيت الناس دي بتعمل نفس الخدمه و ارخص
https://getbiztousa.com/us-bank-account/
عندهم ميزه انك تدفه مصاريف بعد متستلم الحساب
بس الي قلقان منه هو ارباح امازون ممكن اسحبها علي حساب بنك تاني زي بايونير مثلا بعيدا عن الحساب الاساسي الي شركات دي ليهي حق توقيع عليه ؟
هو ممكن شركات دي تسحب اي فبوس في حساب او اي شيء يضر الشركه بتاعتي ؟
أعتذر على التأخر في الرد.
الموقع التاني ده كلامه منطقي و صريح في موضوع إنه لازم يكون حاطط نفسه كعضو في شركتك علشان يفتحلك الحساب. بس نصيحتي إدفعلهم عن طريق Upwork Escrow علشان ماتدفعش غير لما تستلم حسابك و الـDebit Card على عنوانك و بيانات الأونلاين بنك.
ثاني حاجة ممكن كل لما يجيلك أرباح من أمازون تحولها على Transferwise أو تدفع بيها مصاريفك فورا بحيث ماتجمعش رصيد تخاف عليه جوه حسابك اللي هما ماسكينه رسمياً.
و ماسكينه معناها إنهم ممكن علشان هما في أمريكا يدخلوا أي فرع يغيروا بيانات الحساب أو بيانات الدخول على الأونلاين بنك أو حتى يسحبوا الفلوس كلها لإنهم المفوض الوحيد عن شركتك اللي ليه حق التوقيع و التعامل مع البنك. فالموضوع في مخاطرة لكن ممكن تلافيها بالتعامل مع الحساب كإنه كوبري بتخلص بيه حاجات و تسحب فلوسك على طول منه.
و ممكن في أسوأ الأحوال تستخدمه فقط كإثبات لحسابك في أمازون ثم بعد كدة تحاول تبعت أرباحك على Transferwise أو Payoneer مباشرة. لكن الحساب البنكي أسهل في نقطة إنك بتستخدم الDebit Card في دفع مصاريفك على طول بدون تعقيد.
يعني أوزنها كدة و شوف. لكن بأرجع و أقول إن صديق أمين هناك أفضل بكثير من الشركات دي و تدفعلهم 1500 دولار في الأول بالإضافة ل150 دولار في الشهر كتير الحقيقة. يعني الصح إنه يكون الملاذ الأخير فقط.
بالتوفيق دائما بإذن الله.
هام جداً: تم عمل كورس خاص بهذا الموضوع لتحديث و تصحيح بعض المعلومات الهامة، التنويه موجود في هذا الفيديو: https://youtu.be/uuiWGAWSYtw