كيفيه البدايه في امازون اف بي ايه

أهلا بك في عارف أونلاينتصنيف: البيع على أمازونكيفيه البدايه في امازون اف بي ايه
karim asked 5 سنوات ago

السلام عليكم استاذ شادي
شكرا علي مجهودك في الشرح و التفاصيل الي بتقدمها في مجال امازونز
كان استفساري بخصوص خطوات البدايه
المفروض يعني انشئ الحساب علي امازون و انشاء الشركه الامريكيه و حساب بيونير و بعدين لما يكون كل شئ اداري جاهز ابدأ في لحث عن منتج و اكون جتهز للطلب و بيع 
ولا الصح احدد منتج الاول و بعدين اجهز الحساب و الشركه و التفاصيل دي بس ممكن ساعتها تاخد وقت و المنتج يكون انتشر اكتر و منافسته صعبه ؟
 
 

شارك الفائدة مع أصدقائك
3 Answers
Best Answer
شادي فريق العمل answered 5 سنوات ago

الحساب البنكي هدفه الوحيد هو تأكيد هوية صاحب الحساب اللي هوه شركتك الأمريكية.  لكن فلوسك ممكن استلامها عادي على بايونير او transferwise.

karim replied 5 سنوات ago

معني كده ان انا لازم عشان اربط حساب امازون بشركه امريكيه لازم يكون عندي حساب بنكي داخل امريكا ؟؟
طيب لو مينعش يكون عندي حساب داخل امريكا هل في حلول تانية او ممكن ربط شركه الامريكيه مع حساب بايونير مثلا

شادي فريق العمل replied 5 سنوات ago

هما بيحتاجوا اثبات هوية صاحب الحساب بمستندات عليها اسم و عنوان الشخص او الشركة. ده ممكن يبقى فاتورة مرافق لمقر الشركة او كشف حساب بنكي امريكي حقيقي. البديل لو مش هاتعرف تفتح الحساب ده، لو انت في مصر مثلا ممكن تفتح بيبياناتك الشحصية عادي من مصر.

karim replied 5 سنوات ago

طيب استاذ شادي انا اسف لاسئلتي الكتيره و اسف لو باخد من وقت حضرتك
كده انا ممكن اسجل ببياناتي من مصر من غير شركه امريكيه و من غير حساب بنكي هناك بس كده اجراءات ضرايب حتكون صعبه لان دي ميزه شركه امريكيه
طيب يعني لو ليا صديق في امريكا يفتح حساب بنكي لازم الحساب ده يكون باسم الشركه ولا باسمه هو و انا استخدمه ؟
طيب ازاي اربط حساب امازون بالشركه لان في فديو العملي كان فتح حساب امازون بمعلومات و اسم شخصي
انت نصيحتك موضوع شركه ده اسهل في موضوع امازون ان اسعي فيه صح؟؟
اخر سؤال ايه هو فاتوره مقر شركه مش ده ممكن اجيبه من موقع الي حفتح عليه الشركه اونلاين؟

شادي فريق العمل replied 5 سنوات ago

ولا يهمك شكرا لسؤالك.
أنا من تجربتي الشخصية طالما شغلك كله أو معظمه في أمريكا يبقي مفيش داعي تدخل نفسك في البداية في إجراءات حكومية و ضرائب مصرية بدون أي داعي و خصوصة إن ميكنة الموضوع ده و التعامل معاه أونلاين أسهل و أفضل بمراحل في أمريكا. فا لو ليك صديق في أمريكا خليه يساعدك تفتح الحساب بإسم الشركة، الحاجة الوحيدة اللي هايبقى اسمه عليها هو الDebit Card بتاعت البنك. هايبقى إسمه تحت إسم شركتك على البطاقة.
المهم تثق فيه لإن هو صاحب حق التوقيع قدام البنك لحد ماتقدر تتواجد في فرع البنك و تضيف نفسك كمالك للشركة.
بالنسبة لحساب أمازون نفس الكلام، بس هاتختار أمريكا هي البلد و تسجل ببيانات الشركة وهكذا.
مشلكة فاتورة مقر الشركة إنك صعب تلاقيه إلا لو كنت عندك مقر فعلا للشركة.

شادي فريق العمل answered 5 سنوات ago

و عليكم السلام ورحمة الله وبركاته. 
شكرا لسؤالك اخي العزيز استاذ كريم.
لو حضرتك اخذت اتجاه انشاء الشركة و فتح حساب امازون من خلالها يبقى انصحك في كل الاحوال بإنشاء الشركة أولا او حتى البدء في الخطوات الأولى اللي هاتديلك في الأخر الأرقام الضريبية المطلوبة. 
و هايقابلك تحدي فتح حساب بنكي و ده حله إنك تعرف حد هناك يفتحلك الحساب و يديلك بيانات الأونلاين بنك و تتعامل من خلاله عادي. ثم تفتح حساب أمازون. 
حضرتك أثرت نقطة مهمة جدا و حقيقية، و هي سرعة البحث الجيد و دخول السوق قبل مايبقى في منافسة كبيرة على المنتج اللي اخترته.
علشان كدة اقصى مدة مقبولة هي مدة البحث و التصنيع و الشحن لأمازون. لكن لو اتاخرت علشان تخلص إجراءات الشركة و فتح حساب بنكي ثم فتح حساب أمازون، يبقى غالبا هتلاقي المنافسة زادت و فرص النجاح قلت. 
بالتوفيق.

karim replied 5 سنوات ago

شكرا لسرعه الرد
هو لازم حساب بنكي امريكي لفتح شركه امريكيه و العمل علي امازون ولا ممكن استخدم بايونير و paypal , hvf’i ug و اربطه علي credit card ?

شادي فريق العمل replied 5 سنوات ago

تم الرد على هذه الجزئية في نفس الموضوع هنا.

karim answered 5 سنوات ago

تمام يا افاندم و شكرا لمعلوماتك  لو تقدر تعملنا فديو عن موضوع الحساب بنكي ده يبقي كتر خيرك بس توضيح بسيط و اسف للإطاله يعني صديقي هناك في امريكا حيفتح حساب بنكي للشركه الي انا مسجلها اونلاين باسمي و بضيفه عضو في شركتي امنلاين عشان يقدر يفتح الحساب بنكي ده ولا هو الي بيسجل الشركه باسمه مع فتح الحساب بنكي  و هل لو شركه باسمي و حساب باسمه هو بتكون شركتي في اخر برده و اقدر من امازون اسجب فلوسي بعيدا عن الحساب بنكي ده خالص صح؟
يعني الحساب البنكي ده بيكون personal account or corporate account

شادي فريق العمل replied 5 سنوات ago

حضرتك بالترتيب كدة: هاتفتح شركة بإسمك في أمريكا عادي و ممكن تضيف صديقك في نفس وقت فتح الحساب كعضو في الشركة، ثم هو هاينزل نسخة من ورق انشاء الشركة PDF و يصوره و ياخده معاه على اي بنك ويطلب منهم فتح حساب Business Checking Account بإسم الشركة و يكون هو المفوض للتوقيع بالنيابة عن الشركة.
رسميا هو هايبقى ممثل الشركة الوحيد قدام البنك و هايدولك بطاقة خصم ATM تدفع بيها أونلاين و مكتوب عليها اسم شركتك و اسمه تحتها. المهم تخليه يحط عنوان الشركة يبقى هو عنوان المسجل في الحساب البنكي للمراسلات و كدة. المفروض أول ماتصدر البطاقة تجيلك على عنوان الشركة و تبعتها لنفسك لمصر.
و تخليه يشترك في الأونلاين بنك و يديلك بياناته و بعد كدة مالوش دور تاني، عاوز تشيله من الشركة خالص براحتك.