كيف اختار نوع المعاملة الضريبية

السلام عليكم و رحمة الله و بركاته. شكرا لسؤالك أخي العزيز أستاذ أنس.
الحقيقة في الحالتين مش هايتم معاملة الشركة ككيان مهمل، و المفروض مش هياتخصم منكم 30% للضرائب زي في حالة الكيان المهمل.
الفكرة هي في اختيار الأفضل من حيث الإجراءات الضريبية.
مثل ما ذكرت في كورس شركتك في أمريكا للمبتدئين ، إنك في حالة الـPartnership بيتقدم إقرار معلومات عن الشركة و كل شريك بيقدم نموذج Schedule E مع إقراره. و في حالة الــCorporation الشركة هي اللي بتقدم كل النماذج و الإقرارات و منفصلة عن مالكيها. لكن طبعا بتقدم كمان نموذج 5472 اللي بيوضح معلومات عن الشركاء الأجانب و عملياتهم المالية.
فيه جدل قائم على الإنترنت بيقول إنك ماتقدمش إقرار لو إنت أجنبي أصلا. لكن الموقع بتاع الضرائب واضح، إن أي أجنبي عنده دخل من مصدر أمريكي “وضحنا الكلام ده في الكورس و المنتدى الخاص به” لازم يقدم إقرار 1040nr يكتب فيه كل دخل من المصدر الأمريكي.

اشكرك اخي شادي