شكرا جزيلا يا استاذ هشام على سؤالك و كلامك الطيب.
حضرتك بتستخدم بايونير في استلام الأموال من أمازون و من بايونير لحساب البنك الخاص بك في مصر. و بتدفع عن طريق الـDebit Card بتاعتك اللي بتاخدها من البنك مع حسابك و بتسحب منها من اي مكنة سحب فلوس في الشارع.
بإذن الله الحلقة رقم 8 من سلسلة بيع على أمازون هاتبقى عن وسائل الدفع و الاستلام في مشروع أمازون و معاها فيديو شرح عملي.
أنا مش بعدى أو بفوتلك حلقة و بدعيلك ربنا معاك و يقويك
لكن فى نقطة هل البنك فى مصر هيقبل أى إستقبال مبالغ من أمازون و لو قبل أكيد الحساب فى بنك مصر هنا له شروط و إيه الشروط دى؟
و هل حساب بايونير لازم اعمله بصفه امريكية أو اوروبية ؟! انا مش حابب أعمل أى حاجة غير بصفة مصرى فقط فى كل حاجة
ربنا يخليك يا استاذ هشام و يكرمك على دعمك المستمر.
كل بنك ليه قواعد معينة لكن التحويلات بشكل عام المفروض إنها تمشي عادي. أحيانا في بنوك بتتصل بالعميل لو حصل تحويل من أو إلى الحساب من بره مصر للمرة الأولى و كمان لو حصل عملية دفع على الإنترنت للمرة الأولى بعد كدة عادي. علشان كدة سؤالك لما تتصل ببنك مصر يكون “هل في مشكلة أو إجراءات لازم اعملها قبل ما حد يحول لي فلوس من بره مصر؟” بس كدة.
حساب بايونير هاتعمله بكل بياناتك المصرية من أول العنوان للرقم القومي لحسابك البنكي في مصر. و لما بتعمل الحساب بتاخد منهم رقم حساب أمريكي بالدولار.
الشرح العملي بالتفصيل هايبقى في الفيديو العملي بتاع الحلقة 8 بإذن الله علشان تشوف الدنيا من جوه شكلها إيه.
بس أنا لسة منتظر اشتراكك في الأكاديمية. لسة فيها درس واحد بس عاوز رأيك بردو مهم جدا.
إختصارك فى صيغة السؤال ممتاز و هو ده اللى انا كنت اقصده بالتحديد لأنك فهمتنى انا اقصد إيه لأن سياسات البنوك بتختلف زى ما حضرتك عارف و فاهم و ده اللى يهمنى عشان مش يحصل إصطتدام بعد كده فى الجزئية دى و اكون وصلت فى مراحل متقدمه نحو تنفيذ هدفى المرجو
اما بخصوص الأكاديمية ياريت انا اتمنى الإشتراك فيها و هحاول دلوقت أشترك فيها و لو انا معرفتش أشترك فيها هقول لحضرتك لكن سيبنى أحاول ✋😊
تمام. بالتوفيق إن شاء الله
و بإذن الله أنا معاك في أي أسئلة.
حاولت بشمهندس لكن مش لاقى كلمة أكاديمية فى القائمة نهائى
الأمر لله قولى ياسيدى ✋😊
ولا يهمك 🙂
أدخل مباشرة على https://arefacademy.com
و هاتلاقي معمل عارف أونلاين و ممكن تشترك في العضوية البرونزية من القائمة أو في الصفحة الرئيسية.
تمام معمل عارف اون لاين فى القائمة فعلا لكن انا آسف فكرتك تقصد حاجة تانية
ولا يهمك. لو لسة في مشاكل في الاشتراك هناك قول لي.
لا تمام 👍
شكرا لحضرتك
تم الإشتراك بنجاح ✋😊🌹
انا دخلت على الأكاديمية و للأسف الدرس اللى حضرتك تقصده بتاريخ ٢٨ نوفمبر مش بيفتح عندى بأى صيغه أما درس امازون شوفته من قبل و أبديت رأيي فيه من قبل لو انا مخطأ صححنى و لك جزيل الشكر
تم الرد في الأكاديمية.
شكرا جزيلا