حلقة 87 – بيع على الإنترنت 7 – إزاي تعمل قائمة بريدية لجذب الزوار لموقعك؟

حلقة 87 – بيع على الإنترنت 7 – إزاي تعمل قائمة بريدية لجذب الزوار لموقعك؟

اهلا و سهلا بيك في ملخص الحلقة رقم (87) من عارف أونلاين بودكاست و 7 من سلسلة بيع على الإنترنت.

في الحلقة دي بأتكلم عن طريقة إنشاء قائمة بريدية على أشهر مقدمي الخدمة و الإستفادة منها للتواصل مع جمهور موقعك.

منتظر أسئلتك و رأيك في التعليقات.

اسمع الحلقة هنا أو نزلها و اسمعها براحتك

الفيديو الموجود في الحلقة دي

اضغط هنا للدرس العملي

روابط مهمة

حلقة 87 – بيع على الإنترنت 7 – إزاي تعمل قائمة بريدية لجذب الزوار لموقعك؟

حلقة 59 – بيع على أمازون (7) – الترويج داخل و خارج أمازون

اهلا و سهلا بيكم في ملخص الحلقة رقم (59) من عارف أونلاين بودكاست و السابعة من سلسلة بيع على أمازون.

في الحلقة دي هاتعرف إزاي تروج لمنتجك جوه أمازون و بره أمازون

منتظر أسئلتك و رأيك في التعليقات.

اسمع الحلقة هنا أو نزلها و اسمعها براحتك

الفيديو الموجود في الحلقة دي

ادخل هنا للدرس العملي

روابط مهمة:

موقع خدمة الاستضافة: https://arefonline.com/bluehost

موقع خدمة القائمة البريدية: https://arefonline.com/mailchimp

موقع خدمة الترويج: https://arefonline.com/zonpages

خصم 15% على اشتراكك عند استخدام اللينك أعلاه

حلقة (30) – نشر و طرح المنتج عن طريق القائمة البريدية، اعلانات أمازون و التخفيضات

حلقة (30) – نشر و طرح المنتج عن طريق القائمة البريدية، اعلانات أمازون و التخفيضات

اهلا و سهلا بيكم في ملخص الحلقة رقم (30) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • مقدمة
    • في ال4 حلقات اللي فاتوا اتكلمنا عن كل مراحل بدء مشروع أمازون لحد شحن المنتج من المصنع في الصين لأمريكا.
    • النهاردة هانتكلم عن الحاجات اللي بتعملها و انت مستني الشحنة توصل لأمريكا ثم لأمازون.
    • بدون الحاجات دي منتجك مش هايبيع و غالبا مش هاينجح على أمازون.
    • لإن علشان تستمر على امازون و تكسب كويس، المفروض يكون منتجك ظاهر في الصفحة الأولي لنتائج كلمة بحث معينة.
    • علشان الترتيب بتاعك يزيد، المفروض تبيع كويس بشكل يومي من أول البداية.
    • و التقييمات تكون كويسة بعد ما تبيع.
  • الدعاية من خلال القائمة البريدية
    • من أول حلقات البودكاست و أنا باتكلم عن أهمية القائمة البريدية علشان اللخظة دي.
    • لو عندك جمهور و متابعيين حقيقيين مش بس على الفيسبوك، على القائمة البريدية اللي تقدر توصل لكل الناس فيها بدون تكاليف جديدة و اعلانات، نسبة نجاحك على أمازون هاتبقي كبيرة جدا باذن الله.
    • كل اللي هاتعمله انك هاتبعت للناس و تعرفهم ان فيه منتج ممكن يفيدهم في حل المشكلة اللي انت بتتكلم عنها و بتحاول تحلها في الموقع و القائمة البريدية بتاعتك.
    • هاتعمل تخفيض مخصوص ليهم عن طريق كوبون أو تخلي السعر مخفض لفترة معينة و تقولهم عليها.
  • الدعاية من خلال مواقع العروض و التخفيضات
    • لو عندك أو معندكش قائمة بريدية، ممكن تعمل حساب على موقع من مواقع التخفيضات الخاصة بأمازون و تحط منتجك عليهم.
    • أهم و أشهر موقعين حاليا هما com و موقع JumpSend.com
    • بتحدد عدد الوحدات اللي عاوز تبيعها في اليوم و تحط الكوبونات بتاعتك.
    • بعد كدة بتجيلك مبيعات يومية بالتخفيض اللي انت عامله علشان أمازون يبدأ يعملك ترتيب عندهم. و في نفس الوقت تبدأ تبيع.
  • الدعاية من خلال اعلانات أمازون
    • نشر إعلانات مدفوعة لمنتجك على أمازون هي الطريقة اللي هاتستخدمها في كل الأحوال. لإنك بتبقي في الصفحة الأولى لكل كلمات البحث اللي بتعرض إعلان منتجك عليها.
    • الإعلان بيبقي ظاهر قدام الناس اللي عاوزة المنتج مباشرة، و طبعا حسب القيمة اللي هاتدفعها هايبقي اعلانك في الصفحة الأولى أو الثانية و هكذا.
    • طبعا الناس هاتضغط على إعلانك لو الصورة كويسة و التقييم مش سئ و السهر أكيد مناسب.
  • نظام المتابعة بالرسائل للحصول على تقييمات العملاء
    • علشان تبدأ يجيلك تقييمات من الناس اللي اشترت، أفضل طريقة انك تبعتلهم إيميلات تطلب منهم ترك تقييم صادق بدون دفعهم لإعطاء تقييم خمس نجوم، علشان ده ضد سياسة أمازون.
    • الشركة اللي باستخدمها اسمها Feedback Genius
    • بتسجل عليها و تربطها بحسابك على أمازون.
    • و ممكن تختار نظام متابعة من الموجودين، و تحدد عدد الأيام بعد كل طلب لمنتجك من خلال العميل، اللي بعدهم يتبعت الأيميل المطلوب في نظام المتابعة.
    • مثال: أول ما العميل يشتري يتبعت إيميل شكر للعميل، أول ما المنتج يوصل بيوم يتبعت ايميل يشكر العميل تاني و يطلب منه إعطاء تقييم للبائع مش للمنتج. بعد أسبوع من وصول المنتج يتبعت إيميل تالت يطلب من العميل ترك تقييم على المنتج.
    • أهمية طلب تقييم البائع في الأول قبل تقييم المنتج هو ان لو العميل عاوز يسيب تقييم وحش، يكون بعيد عن المنتج و تقدر تعالج المشكلة بدون ترك أثر سلبي على صفحة المنتج بتاعك.
    • طبعا العميل لو متضايق جدا أو حتى مبسوط جدا من المنتج مش بينتظر إيميلات المتابعة و بيدخل يحط تقييم مباشرة.
  • خدمة العملاء
    • اللي بيتولى خدمة العملاء بشكل أساسي في أمازون هو أمازون نفسه.
    • لكن في بعض الأحيان العميل بيبعت مباشرة للبائع اللي هوه انت علشان يطلب حل لمشكلة في المنتج او استبدال لمنتج في عيب.
    • في الحالة دي لازم تكون سريع في الرد جدا و تساعد العميل و تبادر بتقديم الحلول حتى لو كان فيها استبدال أو حتى ارسال وحدة جديدة من المنتاج كهدية.
    • ماينفعش تتعامل مع العميل على أمازون بمبدأ التخوين و تسأله كانك وكيل نيابة زي ما بنشوف من المحلات في مصر. لإن لو ملاقاش الحل عندك ولقى اسلوبك وحش هايشتكي لأمازون و هايسيب تقييم وحش و كمان ممكن صفحة المنتج بتاعك تتقفل عادي جدا.
    • مهم جدا كمان انك ترد على التقييمات الإيجابية بالشكر، و ترد على التقييمات السلبية بإنك تبدا بالاعتذار حتى لو انت مش مقتنع، و تبدي الرغبة في حل المشكلة و المساعدة مهما كانت.

موارد الحلقة

روابط:

[xyz-ihs snippet=”OnePagePlan-MailChimp-Form”]

حلقة (30) – نشر و طرح المنتج عن طريق القائمة البريدية، اعلانات أمازون و التخفيضات

حلقة (26) – مقدمة بيع المنتجات على أمازون

اهلا و سهلا بيكم في ملخص الحلقة رقم (26) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • مقدمة
    • تجارة و بيع المنتجات على أمازون ، هي من أكثر أنواع الأونلاين بزنس ربحاً لو اتعملت صح، و اكثرها مخاطرة في نفس الوقت.
    • النوع ده بيحتاج استثمار كبير في المتوسط من 5 إلى 10 ألاف دولار كرأس مال لضمان الربح و الاستمرارية.
    • برغم انك بتبيع منتجات حقيقية و ملموسة، إلا إنك مش بتلسمها بإيدك في اغلب الأحيان. علشان كدة بتحتاج حد يشوفها بالنيابة عنك و يتاكد ان مفيهاش عيوب.
    • مكونات و خطوات النوع ده من البزنس كثيرة و اقرب كتير للبزنس العادي من الأونلاين بزنس. بس لسة اسمها اونلاين بزنس و تجارة الكترونية.
    • أفضل طريقة للنجاح على أمازون انك تكون عامل براند و موقع انترنت و عندك قائمة بريدية تروج منتجك عليها في البداية ثم أمازون بعد كدة هايبدأ يجيبلك مبيعات من عنده.
    • المكونات الأساسية للنوع ده من البزنس هي: المنتج، موقع أمازون، موقع علي بابا، الموقع و القائمة البريدية بتاعتك، شركة الشحن و توجيه الشحنة، خدمة العملاء و المتابعة.
  • المنتج
    • المنتج اللي بتختاره هو العامل الأساسي لنجاح أو فشل مشروعك على أمازون.
    • لما بتختار، المفروض يبقي المنتج مفيش عليه منافسة كبيرة، و لازم يبقي في شوية مواصفات تانية زي الآتي:
    • الحجم صغير، يعني ممكن يتم تعبئته في علبة بحجم علبة الأحذية.
    • متوسط سعره بين 15 و 45 دولار تقريبا، علشان مايحتاجش وقت كتير للتفكير من المشتري.
    • إبعد تماما عن الالكترونيات و المواد الغذائية و المنتجات اللي بتلامس مواد غذائية او ممكن يبقي فيها نسبة ضرر على الانسان.
    • المنتج يكون عدد التقييمات بتاعته ماتبقاش كتيرة في الصفحة الاولى، يمعنى انها تتراوح من 50 الى 200 بالكتير في الصفحة الاولى. لإنك علشان توصل للصفحة الأولى غالبا هاتحتاج نسبة قريبة من الناس اللي بالفعل موجودين فيها.
    • الترتيب المعروف بالــBSR في المنتجات اللي في الصفحة الاولي بكون متقارب و في حدود المتسطاع. من اشهر الناس في المجال ده واحد اسمه Scott Voelker، بيوصي باختيار المنتجات اللي تقدر تبيع منها 10 وحدات في اليوم بهامش ربح 10 دولار لكل منتج. يعني تحقق في اليوم 100 دولار للمنتج و بالتالي 3000 دولار في الشهر.
    • دي أهم المواصفات
  • أمازون
    • هو أكبر و أهم موقع تجارة إلكترونية في العالم و صاحب الشركة هو حاليا أغنى رجل في العالم بثروة تجاوزت الــ100 مليار دولار.
    • موقع أمازون مبني على فكرة إن التجار بشكل عام بيحطوا منتجاتهم علي أمازون و يبيعوها بطريقتين يا إما عن طريق البيع و التوصيل عن طريق التاجر، أو البيع و التوصيل عن طريق أمازون.
    • في حالة البيع و التوصيل عن طريق التاجر، أمازون بتاخد عمولة صغيرة على البيع فقط.
    • في حالة البيع عن طريق أمازون، بيبقي فيه بالإضافة لعمولة البيع، عمولة الغليف و التوصيل و تبقي حسب حجم ووزن المنتج و عوامل تانية.
    • الزوار على أمازون بيبحثوا عن منتجات عن طريق مساحات البحث او استعراض التصنفيات، و أمازون بيعرض المنتجات بناء على الRank او الترتيب بتاعها من حيث التقييم و حجم المبيعات و هكذا.
    • في البودكاست ده كلامنا هايبقي على البيع على أمازون عن طريق البيع و التوصيل من خلال أمازون مش من خلال التاجر.
  • علي بابا
    • علشان تحط منتج على أمازون لازم تستخدم طريقة من الاثنين، يا إما تشتري منتج موجود بسعر قليل من اي مكان و تبيعه على أمازون و تكسب من فرق السعر.
    • يا إما تصنع منتج و تشحنه لمخازن أمازون علشان يتولوا هما عملية البيع و التوصيل.
    • علشان تصنع منتج، فا أفضل و ارخص طريقة هي التصنيع في الصين.
    • بتدور على منتجات و مصانع على موقع علي بابا الصيني، و بعد تنقية اختياراتك بتتفق مع مصنع يقوم بعملية التصنيع و الشحن.
    • تنقية الاختيارات مهمة جدا علشان في عمليات نصب كتيرة بتحصل في الصين و ممكن تخسر كل فلوسك، حتى لو موقع علي بابا بيديلك شئ من الأمان.
  • شركة الشحن و التوجيه
    • علشان تنقل الشحنة المصنعة من المنتج بتاعك من الصين لأمريكا ثم لأمازون، يا إما تتعامل مع الجمارك و شركات الشحن و الجهات الحكومية و الموانئ في الصين و في أمريكا بنفسك، يا إما تتعاقد مع شركة وكيل شحن Freight Forwarder.
    • شركة توجيه الشحنات دورها تقوم بكل الإجراءات و العمليات اللوجيستية بحيث انك ببتعامل فقط مع شركة التوجيه و تدفعلها فلوس و كل اللي عليك انك تتفرج على الشحنة و هي بتتحرك من الصين لحد مخزن أمازون بدون أي تدخل منك تقريبا.
  • القائمة البريدية
    • زي ما قلت، علشان تقدر تنجح على أمازون من الأفضل انك يكون عندك براند موجود و جمهور متابع ليك.
    • المنتجات اللي بتلاقي رواج على أمازون هي اللي بتبقي موجودة في الصفحة الأولى، و في أولها كمان.
    • علشان ترفع ترتيبك محتاج انك تبيع و ناس تكتب و تعمل تقييم كويس للمنتج بتاعك. و علشان ده يحصل لازم ناس تبدا تشتري.
    • طب الناس هاتشتري ازاي و هي ماتعرفش منتجك لانه في البداية مش على الصفحة الأولى؟
    • هنا بييجي دور الجمهور بتاعك، لما يبدا يشتري منتجك على امازون بشكل مستمر و يومي لمدة اسبوع او 10 ايام هتلاقي الترتيب بتاعك بيتحسن، و المنتج بتاعك بيقرب من الصفحة الأولى ثم تبدا التقييمات و هكذا.
    • لكن أسرع طريقة للوصوع للصفحة الأولى هي الــPPC او الاعلانات المدفوعة على أمازون.
    • في طريق تاني بس مبقاش مستحب، و هو مواقع التحفيضات لمنتجات أمازون، بتحط منتجك عليها بتخفيض كبير و الناس تبدأ تشتري منها.
  • المتابعة و خدمة العملاء
    • موقع أمازون بيبقي مسئول عن خدمة العملاء بشكل كامل، و تعتبر خدمة العملاء بتاعته الافضل على الانترنت. و ده اللي بيخلي الناس تشتري منه و بالتالي منك بكل ثقة.
    • خدمتهم مسئولة عن الرد على الاستفسارات، رد المنتج و قيمته بدون نقاش، استقبال الشكاوى و هكذا. لدرجة انهم ممكن ييجوا على التاجر نفسه لصالح المشتري.
    • دورك كتاجر بيبقي محصور على امازون في انك ترد على تقييمات المشترين، ترد على الرسايل لو جاتلك بشكل مباشر، و تحاول ترضي العملاء بتوع (أو بتوع أمازون بمعنى أصح) و تظهر ده بشكل واضح قدام العملاء الاخرين.
  • الموقع بتاعك
    • بما إن العملاء اللي بيشتروا منك على أمازون مش بتوعك، و مش هاتعرف تتواصل معاهم خارج أمازون أو تاخد الايميل او التليفون بتاعم، فا ده معناه انك في الهوا.
    • بمعنى انك طول ما أمازون راضي عنك فإنت شغال و بتبيع و كدة، لو حصل اي مشكلة ممكن بسهولة منتجك يتوقف بشكل مؤقت أو دائم، وممكن حسابك كله يتقفل بدون إبداء اسباب. لانك بتبيع على موقع مش بتاعك و لعملاء مش بتوعك فا طبيعي انك بتبقي تحت رحمته.
    • علشان كدة لازم تحط في اعتبارك انك بجانب أمازون المفروض انك تبدا تجذب الزوار و الجمهور لموقعك و تبدا تبيع منتجك عليه.
    • ده بيديلك عمل أمان لو حصل أي مشكلة بتبقي ماخسترش مصدر دخلك الوحيد و بيبقي عند بزنس شغال على موقعك مباشرة.

موارد الحلقة

روابط:

[xyz-ihs snippet=”OnePagePlan-MailChimp-Form”]