حلقة (11) – إزاي تروج لموقعك و تعمله جمهور؟

اهلا و سهلا بيكم في ملخص الحلقة رقم (11) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • 1000 متابع حقيقي ولا مليون متابع مزيف؟

    • ناس كتير في مجال الــSocial Media بتحاول تقنعك إنك ممكن تشتري fans، و إن ده هايجيب ناس حقيقين بعد كدة.
    • دلوقت الناس بيهمها جودة المحتوى أكثر من الأرقام و أعداد المتابعين.
    • في كل الأحوال لو عدد متابعينك المزيفين كتير جدا و المحتوى بتاعك سئ أو مافيهوش فائدة حقيقية، ده هايبقي ضدك. و المتابعين المزيفين في أغلب الأحيان مش بيتفاعلوا.
    • التفاعل هوه أساس العلاقة الحقيقية بينك و بين العملاء المحتملين. علشان كدة 1000 متابع حقيقي متفاعل احسن من مليون متابع مزيف.
  • الترويج المجاني و المدفوع

    • التسويق أو الترويج في الحالتين بيعتمد على تقديم الفائدة أولا.
    • المجاني، بيبقي مبني على تفاعلك المستمر في مواقع التواصل الاجتماعي علي الجروبات و الصفحات لتقديم الفائدة بدون تسويق لنفسك. و بعد ما تعمل إسمك الناس هاتجيلك و تسألك عن مكانك أو موقعك. لكن بياخد وقت.
    • كمان المواقع و المنتديات ممكن تبقي كويسة جدا انك تفيد الناس فيها بنفس الطريقة.
    • المدفوع، هو باستخدام خاصية ترويج أو الإعلان عن البوست بتاعتك سواء كانت صورة أو كلام أو فيديو.
    • بالنسبة للإعلان المدفوع على جوجل، بيبقي بنفس الطريقة لكن علي مواقع جوجل زي محرك البحث و اليوتيوب و هكذا.
  • إعلانات جوجل و إعلانات الفيسبوك

    • Google Adwords هو نظام أو منصة الإعلان الخاصة بجوجل. و من خلاله تقدر تحط إعلانك علي كل المواقع اللي جوجل بيحط عليها إعلاناته.
    • Facebook Ads هو نظام الإعلان على موقع الفيسبوك، في الــNews Feed بشكل عام.
    • مقارنة:
      • طريقة الوصول: جوجل بيعتمد على حاجة الناس لحل مشكلة حالا عن طريق بحثهم علي محرك البحث. الفيسبوك بيعرضلك الإعلان بغض النظر لو إنت عاوز الحل أو المنتج دلوقت أو لأ.
      • الاستهداف: في جوجل بيبقي مبني على كلمات البحث، و الفيسبوك على الخصائص اللي قلت عليها زي الفئة العمرية و النوع، و على الاهتمامات و الــBehavior بشكل عام.
      • يعني اعلانات جوجل مفيدة أكثر لو عاوز تبقى قدام ناس عاوز الحاجة دلوقت و بتدور عليها. و الفيسبوك لو إنت عاوز تبني براند و تخاطب ناس معينة علي فترة طويلة.
      • علشان كدة في البداية و احنا بنبني البزنس، هانشتغل علي الفيسبوك.
    • الإستهداف Targeting

      • زي ما قلت في الحلقة رقم 10، إنك لازم تبني بروفايل للعميل بتاعك. ، من حيث الفئة العمرية، الموقع الجغرافي، النوع، الوظيفة، الحالة الاجتماعية، متوسط الدخل، المشاكل و التحديات اللي بيواجهها في حياته.
      • بتقدر تختار أغلب العناصر دي و إنت بتعمل الإعلان بتاعك. و ده مهم جدا لتحقيق فكرة التخصص في البداية قبل التوسع.
      • من الحاجات المهمة كمان، إنك تقدر تحط زي كود صغير علي موقعك. و تقدر تخلي الفيسبوك يتابع زوار موقعك بحيث إنك تقدر تستدفهم بعد كدة بناءا علي تفاعلهم مع الموقع.
      • يعني مثلا، لو حابب تعمل إعلان يستهدف الناس اللي زارت موقعك لمدة معينة و قفلته. أو الناس اللي دخلت صفحة معينة. أو الناس اللي بعتتلك رسالة من الموقع، أو اللي حاول يشتري منتج أو خدمة من موقعك و مكملش و هكذا.
    • التسويق الالكتروني و التقليدي

      • التسويق أو الترويج التقليدي هو الاعلانات اللي بتبقي علي التلفزيون أو الراديو أو حتي الجرايد.
      • من مشاكله:
        • ارتفاع التكلفة.
        • صعوبة و احيانا انعدام إمكانية الاستهداف بدقة.
        • صعوبة متابعة و تحليل النتائج.
        • بتحتاج التعامل مع الوكالات الإعلانية و شروطها.
        • بتستخدم أسلوب فرض الإعلان بدون رغبة العميل أو تفاعل منه.
        • لو هاتقوللي بس بيوصل لناس كتير جدا. هاقولك التكلفة بردو عالية جدا مقابل إنك بتوصل لناس كتير معظهم مش مهتم أصلا بمنتجك
      • التسويق الالكتروني عكس كل اللي قلته بخصوص التسويق التقليدي.
    • حاجات تاخد بالك منها:

      • تجنب صرف الفلوس على الإعلانات بدون حساب أو تخطيط سليم.

موارد الحلقة

روابط:

إبدأ هنا و نزّل خطة الصفحة الواحدة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *