حلقة (12) – إزاي تجذب العملاء لموقعك و تبيعلهم منتجك أو خدمتك عليه؟

عارف أونلاين بودكاست

اهلا و سهلا بيكم في ملخص الحلقة رقم (12) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • المكونات
    • جذب العملاء بينقسم لكذا مرحلة، و ناس بتقصرها و ناس بتطولها بس اللي جاي هوه الموضوع بشكل عام.
  • رحلة العميل Buyer’s Journey، Customer Journey
    • بشكل عام كل عميل بيمر بمراحل من قبل ما يشتري المنتج أو الخدمة:
      • Awareness إدراك المشكلة
      • Considerationبداية البحث عن الحل
      • اتخاذ القرار
    • بناء الــSales Funnels أو القمع اللي بيدخل منه العملاء المحتملين لحد ما يبقوا عملاء حقيقين.
      • هنا بيبقي من وجهة نظرك إنت، إزاي تمشي مع العميل في كل مرحلة من مراحل رحلته و تقدمله إيه فيها، علشان لما يقرر، يختارك انت.
        • الإدراك: أول القمع و أوسع حتة فيه. بتخاطب فيه اوسع مجموعة من العملاء المحتملين اللي ممكن يكون عندهم مشكلة. بس مش شرط يشتروا منك.
        • الاهتمام: وسط القمع، وهنا بيبقي مجموعة من اللي ادركوا المشكلة بدأوا يهتموا بالمحتوي أو الحل بتاعك و اشتركوا في القائمة البريدية بتاعتك. و دورك انك تحافظ عليهم و تقدملهم فائدة أكبر طول الوقت.
        • اتخاذ القرار: اسفل القمع. علشان تخلي العميل المحتمل ياخد قرار، لازم تبدا بعد فترة تقدمله مزايا خدمتك أو منتجك وليه إنت أحسن من غيرك بدون ضغط في طريقة البيع. علشان مايزهقش منك. كدة كدة بعد ما تقعد فترة تحلله مشاكله، هايبقي اسهل انه يتحول من مجرد مهتم بالمحتوى بتاعك لحد ممكن يجرب خدمتك.
        • التنفيذ: آخر مرحلة أو نقطة في القمع هي الشراء الفعلي. و دي بتبقي النتيجة النهائية لمجهودك في رحلة العميل من أولها لآخرها علشان يتحول من عميل متحمل لعميل حقيقي.
    • القوائم البريدية Email Lists
      • القوائم البريدية هي عنصر أساسي في ما سبق.
      • بتبقي عبارة عن لستة من أسماء و عناوين بريد الكتروني لناس قررت انها تسجل بياناتها مقابل قيمة انت بتقدمها أو علشان يوصلهم منك الفائدة علي بريدهم الالكتروني.
      • من اشهر مقدمي خدمة قوائم البريد الالكتروني:
        • MailChimp
        • AWeber
        • ConvertKit
      • علشان تبدأ مجانا، أرشحلك تبدأ علي MailChimp الباقة المجانية كافية جدا علشان تبدأ.
      • كل اللي بتعمله إنك بتحط نموذج كدة علي موقعك في اماكن معينة و الناس بتسجل بياناتها عليه.
    • Landing Pages
      • صفحة انترنت بتكون مخصصة لعرض معين علي منتجك أو خدمتك.
      • ممكن الصفحة دي تكون علي موقعك نفسه، أو عن طريق شركة بتقدم الخدمة دي.
      • المهم تكون مفيهاش اي تشتيت ولا قوائم، او اي نصوص أو صور خارجة عن الهدف المرجو منها.
      • الشركات اللي بتقدم الخدمة دي بتتميز عن موقعك، انها بتبقي عاملة دراسات كبيرة جدا في التصميمات اللي بتجذب العملاء و دائما بتطور نفسها.
      • بعكس وجهة نظرك الشخصية أو وجهة نظر اللي مسئول عن موقعك.
      • غير إنها بتديلك امكانيات و خصائص تساعدك تبيع منتجك أو تجمع بيانات العملاء المحتملين. و الخصائص دي غالبا مش بتعرف تعملها بنفسك لو قررت انك تعمل الصفحة على موقعك.
      • في البداية مش مشكلة انك ما تعملش Landing Page، بس بعد كدة لما تبدا تاخد الموضوع بجدية، هتلاقي نفسك بتروح للشركات دي.
      • من أشهر الشركات LeadPages.
    • المتجر الإلكتروني Online Store
      • الحل الأمثل لتشغيل متجر الكتروني علي موقعك مباشرة هو اضافة WordPress أو Plugin إسمه WooCommerce
      • ده متجر الكتروني متكامل و متقدم جدا و ببلاش.
      • الخصائص كتيرة جدا. بس يكفي انك مش هاتحتاج غير الإضافة دي علشان تعمل متجر متكامل تعرض عليه منتجاتك.
    • وسائل الدفع
      • من أصعب التحديات اللي مريت بيها، هي توفير وسيلة دفع علي موقعي.
      • من 2Checkout ، Skrill وشركات كتير تحت السلم لحد PayPal ، و Stripe
      • المعاناة كانت بسبب إن شركتي مسجلة في أمريكا بس أنا مش مواطن أمريكي. و مكانش في شركات بتقدم اي وسيلة دفع للأجانب أصحاب الشركات الأمريكية.
      • النهاردة عندك في مصر والشرق الأوسط: كاشيو، فوري، و الدفع عند الاستلام.
      • أو لو شركة أمريكية مسجلة و ليها رقم ضريبي و بتتعامل مع عملاء في أمريكا: PayPal ، Stripe ، BrainTree و طبعا ممكن تستقبل فلوسك علي Payoneer لو مش هاتعرف تعمل حساب بنك في أمريكا.
    • حاجات تاخد بالك منها:
      • تجنب SPAM أو الرسائل المزعجة لعملائك المحتملين أو الحاليين، و اوعي تستخدم اساليب بيع مزعجة أو ضاغطة.

موارد الحلقة

روابط:

إبدأ هنا و نزّل خطة الصفحة الواحدة

شارك الفائدة مع أصدقائك

مقالات مرتبطة

حلقة (14) – تجهيز موقعك للربح من الإعلانات و ترويج المنتجات

اهلا و سهلا بيكم في ملخص الحلقة رقم (14) من عارف أونلاين بودكاست، اتكلمت في الحلقة دي في النقاط التالية: اسمع الحلقة هنا أو نزلها…

شارك الفائدة مع أصدقائك

الردود على الموضوع