حلقة (29) – الشحن و اللوجيستيات الخاصة بمنتجك على أمازون

عارف أونلاين بودكاست

اهلا و سهلا بيكم في ملخص الحلقة رقم (29) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • مقدمة
    • الرابط الأهم بين تصنيع منتجك و بيعه فعلياً هو إمكانية شحنه بسهولة و بدون تعقيدات من بلد المنشأ، لبلد التوزيع و البيع.
    • العملية دي معقدة و مليانة إجراءات و لكن حاليا في شركات وظيفتها هي توجيه الشحنات و تنظيمها و تخليصها جمركياً.
    • الشركة دي بتبقي اسمها وكيل الشحن، أوFreight Forwarder أو Freight Agent.
    • بعد الاتفاق مع الSupplier و تصنيع المنتج و عمل الفحص أو الInspection، بيبدأ المصنع أنه يبعت الشحنة للميناء أو المكان المتفق عليه لالتقاط الشحنة. و بيعمل تخليص جمركي حسب اتفاقك معاه، و من ثم بييجي دور وكيل الشحن.
    • حسب اتفاقك مع وكيل الشحن، بيتم توجيه الشحنة عن طريق الجو أو عن طريق البحر “أو المحيط”.
  • مقارنة بين الشحن جوا و الشحن بحرا.
    • الشحن الجوي أسرع و أكثر أمانا من الشحن البحري
    • الشحن الجوي أغلي تقريبا 5 مرات من الشحن البحري
    • الشحن الجوي فيه قيود من حيث خطورة المواد المشحونة و حجم الشحنة في المرة الواحدة.
    • الشحن البحري أفضل في كل الأحوال لو عندك استعداد تنتظر الشحنة حوالي شهر في البحر، و تمر من خلال جمارك الميناء و اجراءاتها، اللي في اغلب الأوقات بيتولاها وكيل الشحن.
  • أفضل شركة توجيه شحنات متجربة
    • من التجربة شركة Flexport هي أفضل وكيل شحن حالياً. مش شرط يكون الأرخص بس هوه الأفضل.
    • الشركة دي بتشحن عن طريق البر، البحر و الجو. يعني مرونة في الاختيار.
    • بتقدر من خلال لوحة التحكم بتاعتك انك تتابع الشحنة على خريطة و في نفس وقت و مكان تواجدها.
    • الأسعار اللي بتاخدها بتبقي فيها شفافية و تفصيلية.
    • الدعم الفني بتاعهم كويس جدا و سريع و ودود، بعكس أغلب الشركات و الشخصيات اللي شغالين في المجال ده.
    • معلومات الشحنة تفصيلية و دقيقة من أول الوزن و الحجم لحد درجة انبعاث ثاني أكسيد الكربون.
    • سهولة و مرونة في التعامل مع الموردين أو الــSuppliers.
  • السند الجمركي Customs Bond
    • قبل ما ترسل أي شحنة من خلال وكيل شحن، المفروض يبقي معاك سند جمركي أو Customs Bond، علشان تعرف تعمل تخليص جمركي في أمريكا و تعدي من الميناء.
    • ممكن تشتري سند جمركي في كل مرة تشحن فيها، أو تشتري سند جمركي مستمر بيقعد معاك سنة كاملة من تاريخ الشراء.
    • شركة Flexport بتقدم بس السند الجمركي المستمر. و هو أكيد مفيد لو هاتشحن أكتر من مرة في السنة.
    • سعر السند الجمركي السنوي حاليا في Flexport هو 350 دولار أمريكي في السنة.
    • بعد ما تشتري السند الجمركي بتقدر تشحن من خلال Flexport طول السنة بدون ما تتكلم في السند الجمركي تاني.
  • ملاحظات هامة
    • كل ما المنتج بتاعك يكون حجمه ووزنه أقل و قيمته أعلى بيبقي ربحك أعلى. لإن تكاليف الشحن بتبقي أقل و بالتالي هامش الربح بيزيد.
    • وقت الاتفاق مع الSupplier، بيبقي فيه طريقتين توريد و كل طريقة ليها تكلفتها. الطريقة الأولى هي استلام الشحنة من المصنع، الطريقة التانية هي استلام الشحنة من الميناء بعد تخليصها جمركيا. أنا بأرشح التانية علشان لما تدفع بقية المبلغ للSupplier  تكون ضامن انه خرج من جمرك الصين.
    • اي مواد ممكن ترتبط بمشكلات صحية أو بمواد غذائية ممكن تعملك مشاكل في الميناء أو في المطار.
    • مهم جدا إن الSupplier يقدملك و يقدم لوكيل الشحن المستندات المهمة زي الفاتورة التجارية و بوليصة الشحن و هكذا.

موارد الحلقة

روابط:

إبدأ هنا و نزّل خطة الصفحة الواحدة

شارك الفائدة مع أصدقائك

مقالات مرتبطة

الردود على الموضوع