حلقة (16) – إزاي تكسب فلوس من خلال إعلانات اليوتيوب على فيديوهاتك؟

عارف أونلاين بودكاست

اهلا و سهلا بيكم في ملخص الحلقة رقم (16) من عارف أونلاين بودكاست، اتكلمت في الحلقة دي في النقاط التالية:

اسمع الحلقة هنا أو نزلها و اسمعها براحتك

  • مقدمة
    • Google Adsense مرة تانية هو نظام ترويج خاص بجوجل. من خلاله بتحط كود صغير علي موقعك. الكود ده بيظهر اعلانات متوافقة مع زوار موقعك، ولما حد منهم يضغط عليها، المفروض انك بتاخد فلوس مقابل كل ضغطة مافيهاش غش. نفس الكلام ينطبق علي فيديوهات اليوتيوب. بس الإعلان بيظهر علي الفيديو بتاعك من غير ما تحط كود أو حاجة.
    • فا علشان تقدر تحط إعلانات علي اليوتيوب، ده بيبقي من خلال اشتراك في Adsene بردو.
    • أول و أهم شرط علشان تبدأ تحط إعلانات علي فيديوهاتك، إن اجمالي المشاهدات في القناة بتاعتك علي يوتيوب يكون وصل 10 ألاف مشاهدة.
    • و ممكن تختار ان كل فيديوهاتك يتحط عليها إعلانات تلقائي، أو تحدد فيديوهات معينة بس تبقي عليها إعلانات.

ملحوظة هامة: بعد تسجيل الحلقة مباشرة، وصلني خبر أن اليوتيوب علشان يحسنوا جودة الخدمة و يكسبوا ثقة المعلنين رفعوا شروط إمكانية تفعيل خاصية الإعلان على الفيديوهات. بحيث لازم يزيد عدد المشتركين على قناتك عن 1000 مشترك، و عدد ساعات المشاهدة يكون وصل 4000 ساعة خلال السنة الماضية. ده علشان يتاكدوا أن القناة اللي هايتحط عليها أي إعلان جودتها و استمراريتها كويسة، و ده بالضبط اللي باشجع عليه طول الوقت.

  • أنواع الإعلانات علي فيديوهات اليوتيوب
    • إعلانات الصور: الإعلان ده بيظهر جنب الفيديو، بس شكل الإعلان ده عائداته اقل من الإعلانات القابلة للتخطي و كمان ممكن كتير الناس تتجاهله. بتاخد فلوس حسب عدد مشاهدات الإعلان أو الضغط عليه حسب اختيار المعلن.
    • الإعلانات المركبة: بيبقي عبارة عن مستطيل بيظهر جوه نافذة الفيديو تحت، و حاول ماتحطش حاجة مهمة من الفيديو في المكان ده علشان الإعلان هايخبيها، المستطيل ده جواه كلام اعلاني و ممكن الضغط عليه او قفله من علامة X. بتاخد فلوس لما حد يدوس عليه.
    • إعلانات الفيديو القابلة للتخطي: فيديو إعلاني بيظهر قبل الفيديو بتاعك، و ممكن المشاهد يتخطاه بعد 5 ثواني. ممكن يتعرض قبل او خلال او اخر الفيديو بتاعك. بتاخد فلوس لما حد يشوف الفيديو الإعلاني لمدة 30 ثانية أو يكمله للأخر أهما أولا.
    • إعلانات الفيديو غير قابلة للتخطي: ده إعلان فيديو لا يمكن تخطيه و بيوصل 15 ثانية. عيبه ان اللي مايعرفش أهمية الفيديو بتاعك ممكن مايستناش الإعلان يخلص و يقفل الفيديو كله. و عموما بتاخد فلوس لما حد يشوف الإعلان كله طبعا.
    • الإعلانات أثناء التشغيل: دي زي إعلانات التلفزيون بالضبط و متاحة للفيديوهات اللي مدتها تتجاوز 10 دقايق. و لازم المشاهد يشوفه علشان يكمل الفيديو. لو الإعلان ده وافقت فيه علي إمكانية التخطي بتاخد فلوسك لما المشاهد يشوف 30 ثانية من الإعلان او الإعلان كله أيهما أقصر. ولو كان الإعلان معتمد علي التكلفة لكل 1000 ظهور لازم المشاهد يشوف الإعلان كله مهما كانت مدته.
    • إعلانات الملصقات الصغيرة: ده إعلان فيديو مدته لا تتجاوز 6 ثواني و غير قابل للتخطي. لازم المشاهد يشوف الإعلان كله علشان يدخلوا يشوفوا الفيديو بتاعك. وبتاخد فلوس لما المشاهد يشوف الإعلان كله.
    • إعلانات الجوال المدمجة من المحتوى: إعلان صورة بيظهر تحت وصف الفيديو اللي انت بتكتبه و بيطلع بس من يوتيوب عالموبايل. و بتاخد فلوس حسب اختيار المعلن، سواء على عدد مرات الظهور لكل 1000 مشاهدة، أو الضغط علي الإعلان.
  • الاشراف علي الاعلانات و حذف الاعلانات غير المرغوب فيها من خلال Adsense Filter
    • يمكن تجنب الإعلانات الغير مرغوب فيها عن طريق: عنوان موقع المعلن – تصنيف عام – تصنيف حساس – شبكة إعلانية معينة – Chrome Publisher Toolbar – أو Ad Review Center و ممكن تستخدمه لحجب اعلانات بعينها بتظهر علي موقعك.
  • استلام الأموال:
    • بعد ما رصيد حسابك يوصل 100 دولار ممكن تطلب تحويل فلوسك مش قبل كدة.
    • يمكن التحويل عن طريق ويسترن يونيون أو تحويل بنكي. لكن ويسترن يونيون أفضل و أكثر أمان.
  • حاجات تاخد بالك منها
    • تجنب الــSPAM في الرسائل و وضع الاعلانات و كمان حتي وجها لوجه.
    • عمل فيديوهات قليلة الجودة أو نسخ محتواها من مواقع اخرى علشان تكبر بسرعة.
    • الاستعجال و عدم الصبر أو عدم الصدق في تقديم محتوى مفيد للناس.

موارد الحلقة

روابط:

إبدأ هنا و نزّل خطة الصفحة الواحدة

شارك الفائدة مع أصدقائك

مقالات مرتبطة

حلقة (14) – تجهيز موقعك للربح من الإعلانات و ترويج المنتجات

اهلا و سهلا بيكم في ملخص الحلقة رقم (14) من عارف أونلاين بودكاست، اتكلمت في الحلقة دي في النقاط التالية: اسمع الحلقة هنا أو نزلها…

شارك الفائدة مع أصدقائك

الردود على الموضوع